Алег Супрунюк, Берасьце Падчас рабочай сустрэчы кіраўнікоў памежных войскаў Беларусі і Ўкраіны, якая пачынаецца 5 кастрычніка ў Берасьці, плянуецца падпісаць пратакол аб зьменах і дадатках ў міжурадавае пагадненьне аб парадку перасячэньня беларуска-украінскай мяжы жыхарамі памежных раёнаў.
У прыватнасьці, чакаецца, што спрошчаным парадкам перасячэньня мяжы паміж дзьвюма краінамі здолеюць карыстацца і жыхары Берасьця, нягледзячы на тое, што гэты горад месьціцца за 50 кілямэтраў ад украінска-беларускай мяжы.