КАБУЛ. На поўдні Аўганістану ў правінцыі Кандагар двое амэрыканскіх вайскоўцаў загінулі і яшчэ двое былі параненыя ў часе выбуху. Выбуховая прылада спрацавала побач з бронемашынай, якая ахоўвала працу дарожных будаўнікоў. Тым часам, болей як 20 тысячаў вайскоўцаў ЗША працягваюць апэрацыі ў пошуку і зьнішчэньні ацалелых талібаў і баевікоў “Аль-Кайды” на поўдні і паўдзённым усходзе Аўганістану.
