Галіна Абакунчык, Менск У Жэнэве праходзіць 93-я сэсія Міжнароднай арганізацыі працы. Цягам сёньняшняга дня на сэсіі разглядаецца пытаньне выкананьня ўрадам Беларусі рэкамэндацыяў камісіі МАП. Адмысловая пастанова ўтрымлівае 12 параграфаў, паводле якіх улады Беларусі мусілі выправіць становішча з правамі прафсаюзаў да 1 чэрвеня 2005 году.
Справаздачу аб выкананьні рэкамэндацыяў робіць урадавая дэлегацыя краіны. Даклад аб парушэньні правоў прафсаюзаў падрыхтаваны таксама прадстаўнікамі незалежнага прафсаюзнага руху. У працы канфэрэнцыі яны ўдзельнічаюць ў складзе дэлегацыі Міжнароднай канфэдэрацыі свабодных прафсаюзаў.