Алег Грузьдзіловіч, Менск У Маскоўскім судзе Менску завяршыўся працэс над пяцьцю кардыяхірургамі рэспубліканскага цэнтру “Кардыялёгія” і супрацоўнікам прадпрыемства “Мультымэдыцына”. Суд палічыў даказанай віну дактароў, якія, праводзячы ўнікальныя апэрацыі на сэрцы, падманвалі хворых: бралі грошы за бясплатныя хірургічныя матэрыялы або выкарыстоўвалі танныя айчынныя прылады замест дарагіх замежных.
З улікам амністыі хірургі Уладзімір Макееў, Барыс Туміловіч і Алег Каваленка пакараныя абмежаваньнем волі на розныя тэрміны ад 3 да 4 гадоў. Дактары Аляксей Лучанок і Сяргей Скачок таксама з улікам аднаго году, зьнятага паводле амністыі, атрымалі па 2 гады калёніі. Намесьнік дырэктара СП “Мультымэдыцына” Ігар Васюкевіч пакараны двума гадамі зьняволеньня.
Па некаторых артыкулах абвінавачаныя апраўданыя. Суд абавязаў асуджаных пакрыць матэрыяльныя страты, нанесеныя хворым. Ці змогуць хірургі па-ранейшаму рабіць апэрацыі? Хірургі Лучанок і Скачок, якія адбылі ў сьледчым ізалятары ўжо каля двух гадоў, змогуць вярнуцца да працы ўжо празь некалькі месяцаў. Вядомыя адмыслоўцы Макееў, Туміловіч і Каваленка спадзяюцца, што будуць адбываць пакараньне, зьвязанае з абмежаваньнем волі, па месцы працы .
Усе асуджаныя хірургі лічацца ў цэнтры “Кардыялёгія” ўнікальнымі адмыслоўцамі, якіх няма кім замяніць. Былы загадчык лябараторыі Уладзімер Макееў заявіў Радыё Свабода, што “згодны з прысудам і будзе праз працу загладжваць сваю віну”. Ніхто зь іншых асуджаных пакуль не заявіў пра жаданьне абскарджваць прысуд.
Па некаторых артыкулах абвінавачаныя апраўданыя. Суд абавязаў асуджаных пакрыць матэрыяльныя страты, нанесеныя хворым. Ці змогуць хірургі па-ранейшаму рабіць апэрацыі? Хірургі Лучанок і Скачок, якія адбылі ў сьледчым ізалятары ўжо каля двух гадоў, змогуць вярнуцца да працы ўжо празь некалькі месяцаў. Вядомыя адмыслоўцы Макееў, Туміловіч і Каваленка спадзяюцца, што будуць адбываць пакараньне, зьвязанае з абмежаваньнем волі, па месцы працы .
Усе асуджаныя хірургі лічацца ў цэнтры “Кардыялёгія” ўнікальнымі адмыслоўцамі, якіх няма кім замяніць. Былы загадчык лябараторыі Уладзімер Макееў заявіў Радыё Свабода, што “згодны з прысудам і будзе праз працу загладжваць сваю віну”. Ніхто зь іншых асуджаных пакуль не заявіў пра жаданьне абскарджваць прысуд.