БРУСЭЛЬ. Канцлер Нямеччыны Гэрхард Шродэр знаходзіцца сёньня ў Брусэлі, дзе ён правёў тэрміновыя перамовы з цяперашнім кіраўніком Эўразьвязу, прэм’ер-міністрам Люксэмбургу Жан-П’ерам Юнкэрам.
Палітыкі абмеркавалі сытуацыю пасьля галасаваньня ў справе Эўрапейскай канстытуцыі ў Францыі і Нідэрляндах. Пасьля перамоваў Шродэр заклікаў не драматызаваць сытуацыю.
Гэтае пытаньне будзе абмяркоўвацца таксама ў часе адмысловага саміту кіраўнікоў краінаў Эўразьвязу 16-17 чэрвеня.