Любоў Лунёва, Менск Як было абвешчана на прэсавай канфэрэнцыі, якую ладзіў сёньня “Малады Фронт”, да галадоўнікаў далучыліся чатыры актывісты “Маладога Фронту” (Ігар Шчакарэвіч, Валер Мацкевіч, Артур Фінькевіч, Зьміцер Дашкевіч) і адзін “зубровец” (Міхась Кандрашоў).
На сераду 1 чэрвеня “Малады Фронт” заплянаваў шэраг акцыяў – іх партнэры ў краінах Эўразьвязу і ў Расеі будуць ладзіць пікеты насупраць беларускіх амбасадаў у гэтых краінах. Апрача таго 1 чэрвеня маладафронтаўцы панясуць зварот Аляксандру Лукашэнку і міністру адукацыі Аляксандру Радзькову, патрабуючы спыніць “дзяржаўны тэрор у дачыненьні да апазыцыйнай моладзі”. Пад зваротам падпісваюцца вядомыя людзі – пісьменьнікі, мастакі, палітыкі.
1 чэрвеня пікеты і мітынгі адбудуцца ў шэрагу ўкраінскіх гарадоў, іх ладзіць моладзевая арганізацыя Нацыянальны Альянс.
На жодзінскую галадоўку пакуль што ніяк не адгукнуліся беларускія праваабарончыя арганізацыі.
1 чэрвеня пікеты і мітынгі адбудуцца ў шэрагу ўкраінскіх гарадоў, іх ладзіць моладзевая арганізацыя Нацыянальны Альянс.
На жодзінскую галадоўку пакуль што ніяк не адгукнуліся беларускія праваабарончыя арганізацыі.