Казімір Яноўскі, Гомель Пад патранажам аблвыканкаму ў Гомелі створаны Савет старэйшын – грамадзкае аб`яднаньне з надзвычай шырокім колам паўнамоцтваў. У склад Савета увайшлі былыя сакратары гаркамаў ды райкамаў, колішнія савецкія дырэктары прадпрыемстваў і асобныя абласканыя уладаю рабочыя з ордэнамі ды медалямі былога СССР.
Узначаліць Савет старэйшын будзе колішні першы сакратар гаркаму Юрый Самборскі. Ягоныя намесьнікі – таксама былыя партыйныя сакратары Васіль Ляскоў і Уладзімер Казлоўскі, якія пазьней працавалі і ў іншых структурах. Спадар Ляскоў да выхаду на пэнсію– у афіцыйных прафсаюзах, Казлоўскі і зараз з`яўляецца дырэктарам грамадзка-культурнага цэнтру.
Старшыня аблвыканкаму Аляксандр Якабсон, які веў першае паседжаньне Савету, заяўляў, што аб`яднаньне мае на мэце больш поўна выкарыстаць практычны вопыт былых кіраўнікоў дзеля вырашэньня сучасных задач сацыяльна-эканамічнага разьвіцьця рэгіёну. І далей удакладніў. Яны, маўляў, будуць браць удзел у пасяджэньнях камісіяў і сэсіях аблсавету, ва ўрачыстых мерапрыемствах, выездах інфармацыйна-прапагандысцкіх груп і нават у перадвыбарчых кампаніях.
Паколькі паведамленьне пра стварэньне Савету старэйшын
надрукавана ў мясцовай прэсе, учора будучы ў Жлобіне, я спрабаваў высьветліць стаўленьне людзей да такога грамадзкага аб`яднаньня. Гаворыць кіраўнік Жлобінскай арганізацыі ПКБ Валер Рыбчанка:
(Рыбчанка:) “Стварэньне вось гэтага Савета старэйшын з чальцоў КПБ робіцца з той нагоды, каб у адказ на даволі актыўную пазыцыю часткі камуністаў ПКБ, выставіць лаяльных камуністаў і ў далейшым мець ад іх адкрытую падтрымку напярэдадні наступных палітычных кампаніяў”, - мяркуе спадар Рыбчанка.
Яшчэ адзін актывіст – лідэр Жлобінскай арганізацыі АГП Пятро Мірашнічэнка зьвяртае увагу, што ўлады ствараюць паслухмяныя, кішэнныя грамадзкія арганізацыі, ажыцьцяўляючы уціск на самастойныя:
(Мірашнічэнка:) “Што ўлады Гомельскай вобласьці стварылі такі Савет, няблага. Але калі яны пякуцца наконт вырашэньня сацыяльна-эканамічных задач сіламі грамадзкасьці, то чаму так настойліва і мэтанакіравана імкнуцца зьнішчыць палітычныя і грамадзкія аб`яднаньні, якія зьяўляюцца неад’емнаю часткаю грамадзянскай супольнасьці. Таму мне падаецца, што Савет старэйшын хутчэй за ўсё будзе абслугоўваць ідэалягічныя патрэбы “вертыкалі”.
Старшыня аблвыканкаму Аляксандр Якабсон, які веў першае паседжаньне Савету, заяўляў, што аб`яднаньне мае на мэце больш поўна выкарыстаць практычны вопыт былых кіраўнікоў дзеля вырашэньня сучасных задач сацыяльна-эканамічнага разьвіцьця рэгіёну. І далей удакладніў. Яны, маўляў, будуць браць удзел у пасяджэньнях камісіяў і сэсіях аблсавету, ва ўрачыстых мерапрыемствах, выездах інфармацыйна-прапагандысцкіх груп і нават у перадвыбарчых кампаніях.
Паколькі паведамленьне пра стварэньне Савету старэйшын
надрукавана ў мясцовай прэсе, учора будучы ў Жлобіне, я спрабаваў высьветліць стаўленьне людзей да такога грамадзкага аб`яднаньня. Гаворыць кіраўнік Жлобінскай арганізацыі ПКБ Валер Рыбчанка:
(Рыбчанка:) “Стварэньне вось гэтага Савета старэйшын з чальцоў КПБ робіцца з той нагоды, каб у адказ на даволі актыўную пазыцыю часткі камуністаў ПКБ, выставіць лаяльных камуністаў і ў далейшым мець ад іх адкрытую падтрымку напярэдадні наступных палітычных кампаніяў”, - мяркуе спадар Рыбчанка.
Яшчэ адзін актывіст – лідэр Жлобінскай арганізацыі АГП Пятро Мірашнічэнка зьвяртае увагу, што ўлады ствараюць паслухмяныя, кішэнныя грамадзкія арганізацыі, ажыцьцяўляючы уціск на самастойныя:
(Мірашнічэнка:) “Што ўлады Гомельскай вобласьці стварылі такі Савет, няблага. Але калі яны пякуцца наконт вырашэньня сацыяльна-эканамічных задач сіламі грамадзкасьці, то чаму так настойліва і мэтанакіравана імкнуцца зьнішчыць палітычныя і грамадзкія аб`яднаньні, якія зьяўляюцца неад’емнаю часткаю грамадзянскай супольнасьці. Таму мне падаецца, што Савет старэйшын хутчэй за ўсё будзе абслугоўваць ідэалягічныя патрэбы “вертыкалі”.