Любоў Лунёва, Менск На прэсавай канфэрэнцыі 29 сакавіка сябры “Маладога фронту” заявілі пра пачатак веснавой вулічнай кампаніі. Яны таксама абвінавацілі КДБ у ціску на актывістаў моладзевага руху.
Актывіст “Маладога фронту” Барыс Гарэцкі паведаміў аб тым, што супрацоўнікі КДБ пачалі прапаноўваць сябрам “Маладога фронту” супрацоўніцтва з камітэтам. Паводле спадара Гарэцкага, супрацоўнікі спэцслужбы пры гэтым не хаваюць сваіх мэтаў і прапануюць даваць ім інфармацыю пра падрыхтоўку апазыцыйных акцыяў, пра кантакты маладафронтаўцаў і пра сытуацыю ў самой арганізацыі. Адных за гэта абяцаюць уладкаваць на добрую працу з высокім заробкам, іншым, у выпадку адмовы, пагражаюць рознымі непрыемнасьцямі на вучобе.
Барыс Гарэцкі распавёў пра супрацоўніка КДБ, які назваўся Русланам. Барыс сьцьвярджае, што гэты чалавек неаднаразова зь ім сустракаўся, нават у кабінэце дырэктара каледжу, дзе вучыцца Барыс.
(Гарэцкі: ) “Ён паказаў мне “корачку” сваю чырвоную, дзе было напісана: “супрацоўнік КДБ. Руслан…” Не глядзеў пільна далей. Я вучуся ў політэхнічным каледжы. Ён папрасіў дырэктара сысьці, зачыніў дзьверы і пачаў мяне распытваць аб тым, што я рабіў 18 і 19 кастрычніка; ці магу нешта паведаміць пра бліжэйшыя дзеяньні апазыцыі; як можа паўплываць сытуацыя ва Ўкраіне; ці магчыма рэвалюцыя тут у Беларусі. Ён прасіў перадаць яму якія-небудзь газэты, налепкі, улёткі маладафронтаўскія. Ён казаў, што патэлефануе мне яшчэ. Калі ён патэлефанаваў, я яму сказаў, што сустракацца зь ім і супрацоўнічаць ня буду. Каб паразмаўляць са мной, параіў выклікаць мяне на допыт”.
Барыс Гарэцкі распавёў аб тым, што гэты супрацоўнік КДБ перасьледуе Руслана Харкевіча:
(Гарэцкі: ) “Гэты супрацоўнік КДБ увесь час знаходзіць Руслана Харкевіча ў горадзе. Сочыць за ім. Сустракае на вакзале. Ён прапаноўвае яму добрую працу ў рэклямнай агенцыі. Наўзамен Руслан мусіць перадаваць яму пэўныя зьвесткі пра дзейнасьць “Маладога фронту”, пра бліжэйшыя акцыі, пра раскладку сілаў у “Маладым фронце”.
Барыс назваў журналістам нумар мабільнага тэлефону гэтага супрацоўніка КДБ. Мы двойчы тэлефанавалі яму. Першы раз ён папрасіў патэлефанаваць пазьней.
(Руслан: ) “Дзяўчына, давайце так зробім: справа ў тым, што я цяпер заняты. Я гатовы ў прынцыпе адказаць на вашы пытаньні. Вы патэлефануйце пазьней”.
Але пазьней быў такі адказ:
(Руслан: ) “Вы занадта шмат гаворыце. Прычым вашы размовы так і застаюцца размовамі… Ніякага грунту яны ня маюць”.
Лідэр “Маладога фронту” Павал Севярынец паведаміў, што “Малады фронт” пачынае веснавую вулічную кампанію. Першая акцыя адбудзецца 2 красавіка пад лёзунгамі адстаўкі Аляксандра Лукашэнкі.
Тым часам Павал пачаў знаёміцца з матэрыяламі крымінальнай справы, якую вёў сьледчы камітэт паводле падзеяў 18 і 19 кастрычніка, калі больш за 5000 дэманстрантаў прайшлі па праспэкце Францішка Скарыны на знак пратэсту супраць фальсыфікацыі выбараў і рэфэрэндуму 17 кастрычніка. Абвінавачанымі прызналі лідэра “Маладога фронту” Паўла Севярынца і лідэра сацыял-дэмакратаў Міколу Статкевіча. Павал называе справу цалкам палітычнай. Паводле яго, такім чынам улады спрабуюць спыніць хвалю вулічных выступаў апазыцыйна настроенага грамадзтва.
Барыс Гарэцкі распавёў пра супрацоўніка КДБ, які назваўся Русланам. Барыс сьцьвярджае, што гэты чалавек неаднаразова зь ім сустракаўся, нават у кабінэце дырэктара каледжу, дзе вучыцца Барыс.
(Гарэцкі: ) “Ён паказаў мне “корачку” сваю чырвоную, дзе было напісана: “супрацоўнік КДБ. Руслан…” Не глядзеў пільна далей. Я вучуся ў політэхнічным каледжы. Ён папрасіў дырэктара сысьці, зачыніў дзьверы і пачаў мяне распытваць аб тым, што я рабіў 18 і 19 кастрычніка; ці магу нешта паведаміць пра бліжэйшыя дзеяньні апазыцыі; як можа паўплываць сытуацыя ва Ўкраіне; ці магчыма рэвалюцыя тут у Беларусі. Ён прасіў перадаць яму якія-небудзь газэты, налепкі, улёткі маладафронтаўскія. Ён казаў, што патэлефануе мне яшчэ. Калі ён патэлефанаваў, я яму сказаў, што сустракацца зь ім і супрацоўнічаць ня буду. Каб паразмаўляць са мной, параіў выклікаць мяне на допыт”.
Барыс Гарэцкі распавёў аб тым, што гэты супрацоўнік КДБ перасьледуе Руслана Харкевіча:
(Гарэцкі: ) “Гэты супрацоўнік КДБ увесь час знаходзіць Руслана Харкевіча ў горадзе. Сочыць за ім. Сустракае на вакзале. Ён прапаноўвае яму добрую працу ў рэклямнай агенцыі. Наўзамен Руслан мусіць перадаваць яму пэўныя зьвесткі пра дзейнасьць “Маладога фронту”, пра бліжэйшыя акцыі, пра раскладку сілаў у “Маладым фронце”.
Барыс назваў журналістам нумар мабільнага тэлефону гэтага супрацоўніка КДБ. Мы двойчы тэлефанавалі яму. Першы раз ён папрасіў патэлефанаваць пазьней.
(Руслан: ) “Дзяўчына, давайце так зробім: справа ў тым, што я цяпер заняты. Я гатовы ў прынцыпе адказаць на вашы пытаньні. Вы патэлефануйце пазьней”.
Але пазьней быў такі адказ:
(Руслан: ) “Вы занадта шмат гаворыце. Прычым вашы размовы так і застаюцца размовамі… Ніякага грунту яны ня маюць”.
Лідэр “Маладога фронту” Павал Севярынец паведаміў, што “Малады фронт” пачынае веснавую вулічную кампанію. Першая акцыя адбудзецца 2 красавіка пад лёзунгамі адстаўкі Аляксандра Лукашэнкі.
Тым часам Павал пачаў знаёміцца з матэрыяламі крымінальнай справы, якую вёў сьледчы камітэт паводле падзеяў 18 і 19 кастрычніка, калі больш за 5000 дэманстрантаў прайшлі па праспэкце Францішка Скарыны на знак пратэсту супраць фальсыфікацыі выбараў і рэфэрэндуму 17 кастрычніка. Абвінавачанымі прызналі лідэра “Маладога фронту” Паўла Севярынца і лідэра сацыял-дэмакратаў Міколу Статкевіча. Павал называе справу цалкам палітычнай. Паводле яго, такім чынам улады спрабуюць спыніць хвалю вулічных выступаў апазыцыйна настроенага грамадзтва.