БЯЛГРАД. Былы генэрал войска басьнійскіх сэрбаў Вінка Пандурэвіч мае намер здацца Гааскаму міжнароднаму трыбуналу. Як паведаміў сёньня ўрад Сэрбіі, у сераду Пандурэвіч вылеціць у Гаагу. Генэралу выстаўленыя абвінавачаньні ў генацыдзе і злачынствах супраць чалавечнасьці. Яго падазраюць ў датычнасьці да масавых забойстваў мусульманаў у басьнійскім горадзе Срэбрэніца. У 1995 годзе там загінулі больш за сем тысячаў чалавек.
