МАНІЛА: Працягваецца ўзброены бунт вязьняў у філіпінскай турме, дзе ўтрымліваюцца прыхільнікі Аль-Кайды. Раней паведамлялася, што вязьні згадзіліся здацца, аднак пасьля зь невядомых прычынаў дамова была сарваная. Сёньня партызаны з групоўкі Абу Саяф раззброілі ахоўнікаў. Пры спробе ўцёкаў трое ахоўнікаў і двое вязьняў загінулі. Заўтра перамовы з вязьнямі будуць працягнутыя.
