БЭЙРУТ. Сырыйскія войскі цалкам выведзеныя з поўначы Лібану. Засталіся толькі офісы сырыйскіх спэцслужбаў у шэрагу гарадоў. Прадстаўнік ААН на Блізкім Усходзе Тэрые Род-Ларсэн ізноў патрабаваў сёньня, каб Сырыя прадставіла дакладны графік вываду войскаў. Кіраўнік МЗС Расеі Сяргей Лаўроў заявіў, што Лібан павінны пакінуць ня толькі сырыйскія войскі, але й усе супрацоўнікі спэцслужбаў.
