КІЕЎ. Урад Украіны зьвярнуўся да Генэральнай пракуратуры з просьбаю праверыць законнасьць прыватызацыі ўсіх прадпрыемстваў краіны. Паводле прэм’ера Юліі Цімашэнкі, праверка будзе завершаная да 14 лютага.
Раней Генэральная пракуратура Ўкраіны абскардзіла ў Вярхоўным судзе законнасьць прыватызацыі мэталюргічнага камбінату “Крыварожсталь”, сярод уласьнікаў якой зяць былога прэзыдэнта Ўкраіны Леаніда Кучмы.
