Альгерд Невяроўскі, Менск 15 студзеня пад Менскам прайшоў 9 пазачарговы зьезд Беларускай сацыял-дэмакратычнай партыі “Народная грамада”. Новым старшынёй партыі абраны былы кіраўнік Берасьцейскай абласной арганізацыі сацыял-дэмакратаў Анатоль Ляўковіч. Удзельнікі зьезду падтрымліваюць ідэю аб’яднаньня “Народнай грамады” з БСДГ, якой кіруе Станіслаў Шушкевіч. Мікалай Статкевіч не прызнае легітымнасьці гэтага зьезду. Ён гаворыць, што ў выпадку прызнаньня правамоцнасьці гэтага зьезду Міністэрствам юстыцыі, партыя пад яго кіраўніцтвам будзе дзейнічаць безь дзяржаўнай рэгістрацыі.
У нечарговым зьезьдзе “Народнай грамады” ўдзельнічала 87 дэлегатаў з усіх рэгіёнаў Беларусі. Прычынай яго скліканьня стала выключэньне Менскім гаркамам у сьнежні мінулага году з партыі яе лідэра Міколы Статкевіча. Спадара Статкевіча абвінавацілі ў аўтарытарных мэтадах кіраваньня партыяй, парушэньні статуту, прысваеньні партыйнай маёмасьці, ціску на сябраў БСДП і г.д.
У сваю чаргу прыхільнікі Міколы Статкевіча выключылі з партыі намесьнікаў старшыні Ўладзімера Нісьцюка, Юрыя Маркоўскага і Віталя Малашку. Некалькі дзён таму Міністэрства юстыцыі прызнала правамоцным выключэньне з “Народнай грамады” Міколы Статкевіча. Вось што сёньня сказаў выканаўца абавязкаў старшыні “Народнай грамады” Ўладзімер Нісьцюк:
(Нісьцюк: ) “Пытаньне ў тым каб паставіць апошнюю кропку ў справе сяброўства ў партыі спадара Статкевіча. Бо тое, што Мін’юст зрабіў выснову – гэта яго справа. А для партыі – зьезд, паводле статуту, ставіць апошнюю кропку ў партыйным сяброўстве, калі ёсьць нейкія спрэчкі і г.д. У нас галоўная мэта сёньня – пагадзіцца й распрацаваць першасныя крокі па аб’яднаньні зь Беларускай сацыял-дэмакратычнай грамадой. Мы ідзем насустрач адзін аднаму”.
На зьезьдзе ў якасьці гасьцей прысутнічала нямала прадстаўнікоў Беларускай сацыял-дэмакратычнай грамады. А намесьнік старшыні гэтай партыі Мечыслаў Грыб нават зачытаў зварот да дэлегатаў з заклікам неадкладна распачаць працэс аб’яднаньня дзьвюх партыяў. Дэлегаты зьезду віталі гэты зварот аплядысмэнтамі.
У сваім дакладзе Ўладзімер Нісьцюк сказаў, што партыя ў цэлым нядрэнна правяла мінулагоднюю выбарчую кампанію, мае немалую палітычную вагу ў грамадзтве і павінна стаць сыстэмнай апазыцыяй уладзе. На думку спадара Нісьцюка, “Народная грамада” цяпер павінна ўмацоўваць свае структуры й актыўна супрацоўнічаць зь незалежным прафсаюзным рухам.
На пасаду новага старшыні партыі большасьцю галасоў быў абраны кіраўнік Берасьцейскай абласной арганізацыі Анатоль Ляўковіч. Вось што ён сказаў у інтэрвію беларускай Свабодзе:
(Ляўковіч: ) “Мае галоўныя крокі як старшыні партыі – гэта ў першую чаргу партыйнае будаўніцтва. Другі мой крок – аб’яднаньне сацыял-дэмакратыі. Трэці – садзейнічаць аб’яднаньню ўсіх дэмакратычных сілаў Беларусі”.
Уладзімер Нісьцюк гаворыць, што на зьезьдзе было прадстаўлена прыкладна 75% партыйных структураў. Мікола Статкевіч, наадварот, гаворыць, што 83 партыйныя арганізацыі, як і ён, легітымнасьць гэтага зьезду не прызналі. Гаворыць спадар Статкевіч:
(Статкевіч: ) “Тое, што сёньня адбывалася, ня ёсьць зьездам. Бо партыйны зьезд павінен праводзіцца ў адпаведнасьці з рашэньнем ЦК і з вылучэньнем дэлегатаў з рэгіёнаў. Партыя гэта прызнаваць ня будзе. Мы будзем працаваць і надалей. Калі Мін’юст гэта ўсё прызнае, (а для чаго ўсё рабілася?) тады партыя будзе працаваць як незарэгістраваная. Відаць так, па нашых часах, гэта будзе лепей”.
У сваю чаргу прыхільнікі Міколы Статкевіча выключылі з партыі намесьнікаў старшыні Ўладзімера Нісьцюка, Юрыя Маркоўскага і Віталя Малашку. Некалькі дзён таму Міністэрства юстыцыі прызнала правамоцным выключэньне з “Народнай грамады” Міколы Статкевіча. Вось што сёньня сказаў выканаўца абавязкаў старшыні “Народнай грамады” Ўладзімер Нісьцюк:
(Нісьцюк: ) “Пытаньне ў тым каб паставіць апошнюю кропку ў справе сяброўства ў партыі спадара Статкевіча. Бо тое, што Мін’юст зрабіў выснову – гэта яго справа. А для партыі – зьезд, паводле статуту, ставіць апошнюю кропку ў партыйным сяброўстве, калі ёсьць нейкія спрэчкі і г.д. У нас галоўная мэта сёньня – пагадзіцца й распрацаваць першасныя крокі па аб’яднаньні зь Беларускай сацыял-дэмакратычнай грамадой. Мы ідзем насустрач адзін аднаму”.
На зьезьдзе ў якасьці гасьцей прысутнічала нямала прадстаўнікоў Беларускай сацыял-дэмакратычнай грамады. А намесьнік старшыні гэтай партыі Мечыслаў Грыб нават зачытаў зварот да дэлегатаў з заклікам неадкладна распачаць працэс аб’яднаньня дзьвюх партыяў. Дэлегаты зьезду віталі гэты зварот аплядысмэнтамі.
У сваім дакладзе Ўладзімер Нісьцюк сказаў, што партыя ў цэлым нядрэнна правяла мінулагоднюю выбарчую кампанію, мае немалую палітычную вагу ў грамадзтве і павінна стаць сыстэмнай апазыцыяй уладзе. На думку спадара Нісьцюка, “Народная грамада” цяпер павінна ўмацоўваць свае структуры й актыўна супрацоўнічаць зь незалежным прафсаюзным рухам.
На пасаду новага старшыні партыі большасьцю галасоў быў абраны кіраўнік Берасьцейскай абласной арганізацыі Анатоль Ляўковіч. Вось што ён сказаў у інтэрвію беларускай Свабодзе:
(Ляўковіч: ) “Мае галоўныя крокі як старшыні партыі – гэта ў першую чаргу партыйнае будаўніцтва. Другі мой крок – аб’яднаньне сацыял-дэмакратыі. Трэці – садзейнічаць аб’яднаньню ўсіх дэмакратычных сілаў Беларусі”.
Уладзімер Нісьцюк гаворыць, што на зьезьдзе было прадстаўлена прыкладна 75% партыйных структураў. Мікола Статкевіч, наадварот, гаворыць, што 83 партыйныя арганізацыі, як і ён, легітымнасьць гэтага зьезду не прызналі. Гаворыць спадар Статкевіч:
(Статкевіч: ) “Тое, што сёньня адбывалася, ня ёсьць зьездам. Бо партыйны зьезд павінен праводзіцца ў адпаведнасьці з рашэньнем ЦК і з вылучэньнем дэлегатаў з рэгіёнаў. Партыя гэта прызнаваць ня будзе. Мы будзем працаваць і надалей. Калі Мін’юст гэта ўсё прызнае, (а для чаго ўсё рабілася?) тады партыя будзе працаваць як незарэгістраваная. Відаць так, па нашых часах, гэта будзе лепей”.