ТЫСАВЕЦ, украінскія Карпаты. Віктар Юшчанка і грузінскі прэзыдэнт Міхаіл Саакашвілі сёньня падпісалі дэклярацыю. У ёй гаворыцца, што “украінская і грузінская рэвалюцыі—частка новай хвалі вызваленьня ў Эўропе, якая прывядзе да поўнай перамогі свабоды і дэмакратыі на эўрапейскім кантыненце”. У дакумэнце таксама адмаўляецца, што пратэсты ва Украіне і Грузіі былі выкліканы “вонкавымі уплывамі”.
