Дзяржсакратар ЗША Колін Паўэл прыбыў сёньня ў Бангкок. Ён узначальвае дэлегацыю, у якой прыехаў губэрнатар Флярыды Джэб Буш, брат прэзыдэнта. Мэта амэрыканскіх прадстаўнікоў—ацаніць на месцы—якія патрэбы маюць пацярпелыя ад цунамі. ЗША запэўнілі ўжо, што выдаткуюць на дапамогу 350 мільёнаў даляраў. У раён бедзтва дзеля дапамогі дасланы некалькі амэрыканскіх вайсковых караблёў.
