Юры Сьвірко, Менск Пасьля таго, як 10 сьнежня Аляксандар Лукашэнка прыняў прэм’ер-міністра і старшыню ВАК, афіцыйная хроніка дзейнасьці прэзыдэнта фіксуе толькі віншаваньні: напрыклад, сёньня кінэматаграфістам, а ўчора каралю Бахрэйну й прэзыдэнту Казахстану з нацыянальнымі сьвятамі. Нурсултана Назарбаева спадар Лукашэнка таксама павіншаваў пісьмова, бо, хаця і знаходзіўся ў Казахстане, але ў розных са спадаром Назарбаевым гарадах.
Хаця Радыё Свабода паведаміла са спасылкай на афіцыйныя крыніцы ў Казахстане, што Аляксандар Лукашэнка знаходзіцца ў Алматы, ягоная прэсавая служба ў Менску па-ранейшаму не дае ніякай інфармацыі пра гэтую паездку ды пра анансаваную сустрэчу з Нурсултанам Назарбаевым.
Кіраўнік прэсавай службы беларускага кіраўніка Павал Лёгкі сказаў:
(Лёгкі: ) “Я вось пакуль ніякай інфармацыі наконт двухбаковай сустрэчы не распаўсюджваю, то бок будзе інфармацыя для друку — я гэтую інфармацыю распаўсюджу тут жа”.
Тым часам нацыянальнае інфармацыйнае агенцтва Казахстану “Казінформ” паведаміла ў пятніцу, што ўвечары “кіраўнік Беларусі Аляксандар Лукашэнка, які знаходзіцца ў Алматы, наведае міжнародны хакейны матч паміж камандай Прэзыдэнта Рэспублікі Беларусь і камандай вэтэранаў хакею Алматы”.
Са спасылкай на прэсавую службу мэра Алматы “Казінформ” перадаў, што ўваход на гэты матч у палацы спорту імя Балуана Шолака будзе бясплатным, а вэтэранаў алмацінскай каманды сваёй прысутнасьцю падтрымае сам мэр Імангалі Тасмагамбетаў.
Агенцтва “Казінформ” нічога не паведамляе наконт прысутнасьці на матчы прэзыдэнта Казахстану Нурсултана Назарбаева, але зазначае: “Прэзыдэнт Беларусі знаходзіцца ў Казахстане на запрашэньне кіраўніка нашай дзяржавы ў прыватным парадку”.
У Казахстане з чацьвярга да нядзелі — выходныя з нагоды Дня незалежнасьці, таму ніхто не працуе ды афіцыйнай інфармацыі не распаўсюджвае. Неафіцыйна стала вядома, што пасьля сьвяткаваньняў у Астане прэзыдэнт Казахстану вылецеў у Алматы, дзе на гэтым тыдні знаходзіцца Аляксандар Лукашэнка.
Але пра іх сустрэчу няма нават неафіцыйнай інфармацыі. Затое беларускі кіраўнік шмат каму ў Алматы сапсаваў Дзень незалежнасьці, які мясцовыя жыхары зьбіраліся правесьці на курорце Чымбулак. Вось што распавяла Радыё Свабода вядомая актрыса алмацінскага расейскага тэатру Аксана Бойчанка:
(Бойчанка: ) “Учора мае калегі былі на Чымбулаку на здымках — у іх здымкі павінны былі быць рана раніцай, а ўсё было перакрытае, іх не пусьцілі. Таму што пакуль яны каталіся з Лукашэнкам, дык нікога туды не пускалі. То бок потым нейкі час прайшоў — і адкрылі Чымбулак ужо”.
Алмацінскія журналісты адзначаюць, што звычайна “з прыездам высокапастаўленых гарналыжнікаў іншых наведнікаў курорту не выганяюць”. Аднак для Аляксандра Лукашэнкі зрабілі вынятак.
Кіраўнік прэсавай службы беларускага кіраўніка Павал Лёгкі сказаў:
(Лёгкі: ) “Я вось пакуль ніякай інфармацыі наконт двухбаковай сустрэчы не распаўсюджваю, то бок будзе інфармацыя для друку — я гэтую інфармацыю распаўсюджу тут жа”.
Тым часам нацыянальнае інфармацыйнае агенцтва Казахстану “Казінформ” паведаміла ў пятніцу, што ўвечары “кіраўнік Беларусі Аляксандар Лукашэнка, які знаходзіцца ў Алматы, наведае міжнародны хакейны матч паміж камандай Прэзыдэнта Рэспублікі Беларусь і камандай вэтэранаў хакею Алматы”.
Са спасылкай на прэсавую службу мэра Алматы “Казінформ” перадаў, што ўваход на гэты матч у палацы спорту імя Балуана Шолака будзе бясплатным, а вэтэранаў алмацінскай каманды сваёй прысутнасьцю падтрымае сам мэр Імангалі Тасмагамбетаў.
Агенцтва “Казінформ” нічога не паведамляе наконт прысутнасьці на матчы прэзыдэнта Казахстану Нурсултана Назарбаева, але зазначае: “Прэзыдэнт Беларусі знаходзіцца ў Казахстане на запрашэньне кіраўніка нашай дзяржавы ў прыватным парадку”.
У Казахстане з чацьвярга да нядзелі — выходныя з нагоды Дня незалежнасьці, таму ніхто не працуе ды афіцыйнай інфармацыі не распаўсюджвае. Неафіцыйна стала вядома, што пасьля сьвяткаваньняў у Астане прэзыдэнт Казахстану вылецеў у Алматы, дзе на гэтым тыдні знаходзіцца Аляксандар Лукашэнка.
Але пра іх сустрэчу няма нават неафіцыйнай інфармацыі. Затое беларускі кіраўнік шмат каму ў Алматы сапсаваў Дзень незалежнасьці, які мясцовыя жыхары зьбіраліся правесьці на курорце Чымбулак. Вось што распавяла Радыё Свабода вядомая актрыса алмацінскага расейскага тэатру Аксана Бойчанка:
(Бойчанка: ) “Учора мае калегі былі на Чымбулаку на здымках — у іх здымкі павінны былі быць рана раніцай, а ўсё было перакрытае, іх не пусьцілі. Таму што пакуль яны каталіся з Лукашэнкам, дык нікога туды не пускалі. То бок потым нейкі час прайшоў — і адкрылі Чымбулак ужо”.
Алмацінскія журналісты адзначаюць, што звычайна “з прыездам высокапастаўленых гарналыжнікаў іншых наведнікаў курорту не выганяюць”. Аднак для Аляксандра Лукашэнкі зрабілі вынятак.