ЕРУСАЛІМ. Лідэр ізраільскай Партыі працы Шымон Пэрэс гаворыць, што ў суботу распачнуцца перамовы з партыяй “Лікуд” прэм’ер-міністра Арыэля Шарона. Шарон пачне іх, каб сфармаваць новую кааліцыю і аднавіць сваё дамінаваньне ў парлямэнце. Партыя працы зьяўляецца галоўнай апазыцыйнай палітычнай сілай. Дагэтуль Шарон быў у хаўрусе партыяй “Шынуй”, але яе ўдзельнікалі прагаласавалі супраць складзенага ім бюджэту на наступны год.
