Любоў Лунёва, Менск Сябра моладзевага руху “Зубр” Андрэя Баранава Фрунзенскі суд Менску аштрафаваў на 3 мільёны 600 тысяч рублёў за заклік прыйсьці на Кастрычніцкую плошчу ў Дзень Дэклярацыі правоў чалавека.
Андрэя Баранава затрымалі ля ўваходу на станцыю мэтро “Пушкінская” за распаўсюд газэты “Выбар”. Міліцыянты ўгледзелі ў газэце заклік да ўдзелу ў акцыі апазыцыі 10 сьнежня і склалі пратакол за арганізацыю несанкцыянаванай акцыі.
Судзьдзя Зьміцер Корнеў, улічыўшы, што Андрэй студэнт, не арыштаваў яго напярэдадні сэсіі. Ён абраў іншую меру пакараньня — штраф 150 мінімальных заробкаў (гэта каля 1700 даляраў). Раней за ўдзел у акцыі апазыцыі 20 кастрычніка Андрэя пакаралі штрафам 950 тысяч рублёў. Маці студэнта, Тацяна Баранава, заявіла Радыё Свабода, што такіх грошай сям’я ня мае.
(Баранава: ) “Для мяне гэтыя 3 мільёны 600 тысяч абсалютна фантастычная і непрымальная сума. Як можна караць штрафам студэнта, які нідзе не працуе, тым больш, што ў сям’і яшчэ двое дзяцей. Я гэтага не разумею. Па мне, дык лепш бы ён адседзеў некалькі сутак. Якая ў яго можа быць маёмасьць!? Прыйшлі, апісалі кампутар, усю маёмасьць. Яшчэ пагражаюць, што ў любы момант прыйдуць і забяруць”.
Міліцыянты Партызанскага раёну сталіцы затрымалі ў Лінгвістычным унівэрсытэце Вераніку Выгоўскую. Яе абвінавацілі ў распаўсюдзе газэты “Революция”, якая выдаецца ў Санкт-Пецярбургу, і ў расклейваньні налепак з інфармацыяй пра акцыю на Кастрычніцкай плошчы. Міліцыянты склалі пратакол паводле 143 артыкулу (антысанітарыя). За гэта адміністрацыйная камісія выканкаму можа пакараць штрафам да двух мінімальных заробкаў.
Судзьдзя Зьміцер Корнеў, улічыўшы, што Андрэй студэнт, не арыштаваў яго напярэдадні сэсіі. Ён абраў іншую меру пакараньня — штраф 150 мінімальных заробкаў (гэта каля 1700 даляраў). Раней за ўдзел у акцыі апазыцыі 20 кастрычніка Андрэя пакаралі штрафам 950 тысяч рублёў. Маці студэнта, Тацяна Баранава, заявіла Радыё Свабода, што такіх грошай сям’я ня мае.
(Баранава: ) “Для мяне гэтыя 3 мільёны 600 тысяч абсалютна фантастычная і непрымальная сума. Як можна караць штрафам студэнта, які нідзе не працуе, тым больш, што ў сям’і яшчэ двое дзяцей. Я гэтага не разумею. Па мне, дык лепш бы ён адседзеў некалькі сутак. Якая ў яго можа быць маёмасьць!? Прыйшлі, апісалі кампутар, усю маёмасьць. Яшчэ пагражаюць, што ў любы момант прыйдуць і забяруць”.
Міліцыянты Партызанскага раёну сталіцы затрымалі ў Лінгвістычным унівэрсытэце Вераніку Выгоўскую. Яе абвінавацілі ў распаўсюдзе газэты “Революция”, якая выдаецца ў Санкт-Пецярбургу, і ў расклейваньні налепак з інфармацыяй пра акцыю на Кастрычніцкай плошчы. Міліцыянты склалі пратакол паводле 143 артыкулу (антысанітарыя). За гэта адміністрацыйная камісія выканкаму можа пакараць штрафам да двух мінімальных заробкаў.