Алег Грузьдзіловіч, Менск Абвінавачаныя ў гэтыя справе былыя міліцыянты заяўляюць, што справу супраць іх сфальшавалі.
Гучны крымінальны працэс пачаўся ў Цэнтральным судзе Менску. Паводле матэрыялаў справы, былы падпалкоўнік міліцыі Васіль Палунін і ягоны сын, былы опэрупаўнаважаны крымінальнага вышуку сталіцы Іван Палунін абвінавачваюцца ў вымагальніцтве грошай ад Аляксандра Богдана, асабістага кіроўцы былога генэральнага пракурора Віктара Шэймана. Інцыдэнт адбыўся летась у жніўні. Быцька і сын Палуніны нібыта шантажавалі Аляксандра Богдана і патрабавалі ад яго тысячу даляраў. Кіроўца Шэймана паведаміў пра шантаж супрацоўнікам КГБ, і ў выніку адмысловай апэрацыі Васіля Палуніна затрымалі. У ягоным аўтамабілі знайшлі грошы, якія і ёсьць рэчавым доказам ягонай віны.
Аднак, паводле быцькі й сына Палуніных, усё было інакш. Як сьцьвярджае малодшы Палунін, ён удзельнічаў у апэрацыі дзеля затрыманьня аўтамабіля, у якім нібыта ехалі наркадылеры. Як потым высьветлілася, за рулём аўтамабіля быў сын кіроўцы Шэймана Дзьмітры Богдан. Затрымаць аўтамабіль не ўдалося. У апошні момант аўтамабіль зьбіў Івана Палуніна, міліцыянт атрымаў шэраг траўмаў і трапіў у шпіталь. Паводле старэйшага Палуніна, каб загладзіць віну сына, кіроўца Шэймана сам прапанаваў яму грошы на лячэньне.
У гэтай заблытанай сытуацыі спрабуе цяпер разабрацца судзьдзя Валер Есьман. Некаторыя паказаньні й абвінавачаных, і пацярпелага выглядаюць блытанымі, аднак бакі настойваюць на сваім. Быцька і сын Палуніны вінаватымі сябе не прызнаюць, а ў кулюарах суду кажуць, што справу сфабрыкавалі.
(Іван Палунін: ) “Усё гэта зроблена з мэтай выратаваць свайго сына ад крымінальнай адказнасьці. А другое — падтрымка. Цягам дзесяці гадоў вазіць таварыша Шэймана…”
Аляксандар Богдан пацьвердзіў суду, што з 1994 году ён ёсьць асабістым кіроўцам Віктара Шэймана. Абслугоўвае яго і цяпер, калі Шэйман узначаліў адміністрацыю прэзыдэнта. Аднак пацярпелы не прызнаў, што ягоны сын ужывае наркотыкі. Ад камэнтара для Радыё Свабода Аляксандар Богдан адмовіўся.
Аднак, паводле быцькі й сына Палуніных, усё было інакш. Як сьцьвярджае малодшы Палунін, ён удзельнічаў у апэрацыі дзеля затрыманьня аўтамабіля, у якім нібыта ехалі наркадылеры. Як потым высьветлілася, за рулём аўтамабіля быў сын кіроўцы Шэймана Дзьмітры Богдан. Затрымаць аўтамабіль не ўдалося. У апошні момант аўтамабіль зьбіў Івана Палуніна, міліцыянт атрымаў шэраг траўмаў і трапіў у шпіталь. Паводле старэйшага Палуніна, каб загладзіць віну сына, кіроўца Шэймана сам прапанаваў яму грошы на лячэньне.
У гэтай заблытанай сытуацыі спрабуе цяпер разабрацца судзьдзя Валер Есьман. Некаторыя паказаньні й абвінавачаных, і пацярпелага выглядаюць блытанымі, аднак бакі настойваюць на сваім. Быцька і сын Палуніны вінаватымі сябе не прызнаюць, а ў кулюарах суду кажуць, што справу сфабрыкавалі.
(Іван Палунін: ) “Усё гэта зроблена з мэтай выратаваць свайго сына ад крымінальнай адказнасьці. А другое — падтрымка. Цягам дзесяці гадоў вазіць таварыша Шэймана…”
Аляксандар Богдан пацьвердзіў суду, што з 1994 году ён ёсьць асабістым кіроўцам Віктара Шэймана. Абслугоўвае яго і цяпер, калі Шэйман узначаліў адміністрацыю прэзыдэнта. Аднак пацярпелы не прызнаў, што ягоны сын ужывае наркотыкі. Ад камэнтара для Радыё Свабода Аляксандар Богдан адмовіўся.