ГАЗА. У Газе сёньня увечары адбыўся выбух каля будынку штаб-кватэры сілаў бясьпекі Палестыны у часе, калі ад’язджаў канвой кіраўніка бясьпекі Мусы Арафата. Пакуль няма зьвестак пра пацярпелых.
Муса Арафат – сваяк палестынскага лідара Ясіра Арафата. Яго прызначэньніе вышэйшым кіраўніком бясьпекі у Газе некалькі тыдняў таму было адмененае з увагі на дэманстрацыі пратэсту у Газе – яго абвінавачваюць у карупцыі.
