Браніслава Станкевіч, Віцебск Улёткі знаходзіліся ў багажніку аўтамабіля, на якім Хрыстафор Жаляпаў ехаў з Віцебску ў Лепель.
Недзе на сярэдзіне шляху, недалёка ад гарпасёлку Бешанковічы, машыну спыніў патруль ДАІ. Праверыўшы дакумэнты ў спадара Жаляпава, міліцыянты загадалі яму ехаць зь імі ў Бешанковіцкі РАУС з прычыны таго, што гэтая машына нібыта знаходзіцца ў вышуку.
Калі спадар Жаляпаў пачаў катэгарычна адмаўляцца ехаць у пастарунак, міліцыянты прад’явілі новае абвінавачаньне: нібыта гаспадар машыны толькі што трапіў у ДТП і зьбіў чалавека.
Пасьля таго, як не падзейнічаў і гэты аргумэнт, зь Бешанковічаў выклікалі начальніка РАУСу, і ён прапанаваў трэцюю вэрсію, паводле якой можна было б затрымаць спадара Жаляпава: нібыта стала вядома, што ў багажніку знаходзіцца выбуховае рэчыва.
Калі багажнік быў адчынены, там знайшлі толькі ўлёткі з заклікам сказаць “Не!” на рэфэрэндуме. Іхны гаспадар трываў на тым, каб іх пералічылі ды склалі пратакол, які спадар Жаляпаў мяркуе прыкласьці да свае заявы ў пракуратуру.
Давесьці міліцыянтам сваё грамадзянскае права на вольную перадвыбарчую агітацыю спадару Жаляпаву так і не ўдалося: на зваротным шляху ягоную машыну ізноў праверылі супрацоўнікі ДАІ, а позна ўвечары ў віцебскую кватэру наведаўся невядомы, які прадставіўся ўчастковым. Хрыстафор Жаляпаў адмовіўся адчыніць дзьверы ўласнага жытла без пракурорскае санкцыі на вобыск.
Калі спадар Жаляпаў пачаў катэгарычна адмаўляцца ехаць у пастарунак, міліцыянты прад’явілі новае абвінавачаньне: нібыта гаспадар машыны толькі што трапіў у ДТП і зьбіў чалавека.
Пасьля таго, як не падзейнічаў і гэты аргумэнт, зь Бешанковічаў выклікалі начальніка РАУСу, і ён прапанаваў трэцюю вэрсію, паводле якой можна было б затрымаць спадара Жаляпава: нібыта стала вядома, што ў багажніку знаходзіцца выбуховае рэчыва.
Калі багажнік быў адчынены, там знайшлі толькі ўлёткі з заклікам сказаць “Не!” на рэфэрэндуме. Іхны гаспадар трываў на тым, каб іх пералічылі ды склалі пратакол, які спадар Жаляпаў мяркуе прыкласьці да свае заявы ў пракуратуру.
Давесьці міліцыянтам сваё грамадзянскае права на вольную перадвыбарчую агітацыю спадару Жаляпаву так і не ўдалося: на зваротным шляху ягоную машыну ізноў праверылі супрацоўнікі ДАІ, а позна ўвечары ў віцебскую кватэру наведаўся невядомы, які прадставіўся ўчастковым. Хрыстафор Жаляпаў адмовіўся адчыніць дзьверы ўласнага жытла без пракурорскае санкцыі на вобыск.