Браніслава Станкевіч, Віцебск Вядомы апазыцыянэр ды праваабаронца распаўсюджваў улёткі ў віцебскім мікрараёне Поўдзень-3. Паводле словаў спадара Шчукіна, ён надрукаваў іх за ўласныя грошы накладам 290 паасобнікаў.
Але міліцыянты завезьлі яго ў Першамайскі РАУС, дзе палічылі неабходным скласьці пратакол пра парушэньне грамадзкага парадку, абвінаваціўшы апазыцыянэра ў незаконным распаўсюдзе незарэгістраванага друку.
Разьбіральніцтва гэтага інцыдэнту будзе праводзіць раённая адміністрацыйная камісія, дату пасяджэньня якой міліцыянты спадару Шчукіну пакуль не назвалі. Але далучылі да пратаколу ў якасьці “рэчавых доказаў” адабраныя 137 улётак.
На думку Валерыя Шчукіна, менавіта іхны зьмест прыцягнуў увагу міліцыянтаў, якія вырашылі любым шляхам перапыніць пашырэньне пададзеных там зьвестак: ва ўлётках гаварылася пра магчымыя фальсыфікацыі ў часе папярэдняга галасаваньня, а таксама пра тое, якіх кандыдатаў па ўсіх чатырох віцебскіх акругах актыўна прасоўваюць улады.
Разьбіральніцтва гэтага інцыдэнту будзе праводзіць раённая адміністрацыйная камісія, дату пасяджэньня якой міліцыянты спадару Шчукіну пакуль не назвалі. Але далучылі да пратаколу ў якасьці “рэчавых доказаў” адабраныя 137 улётак.
На думку Валерыя Шчукіна, менавіта іхны зьмест прыцягнуў увагу міліцыянтаў, якія вырашылі любым шляхам перапыніць пашырэньне пададзеных там зьвестак: ва ўлётках гаварылася пра магчымыя фальсыфікацыі ў часе папярэдняга галасаваньня, а таксама пра тое, якіх кандыдатаў па ўсіх чатырох віцебскіх акругах актыўна прасоўваюць улады.