Сяргей Астраўцоў, Горадня Самай істотнай перашкодай для сябе кандыдаты Гарадзеншчыны бачаць у скарочаным тэрміне перадвыбарчай агітацыі. Паводле закону, яны могуць разьлічваць на месяц, а рэальна маюць на тыдзень менш. Каб праводзіць агітацыю, патрэбныя ўлёткі. Каб іх надрукаваць, трэба спачатку прадставіць тэкст у акруговую выбарчую камісію, каб яна зацьвердзіла яго. Потым трэба прынесьці рахунак друкарні, каб яны перавялі грошы. Патрэбны таксама час, каб надрукаваць улёткі.
У Горадні пра будучыя выбары нагадваюць толькі афіцыйныя плякаты з абвесткай. Вялікіх каляровых партрэтаў кандыдатаў, якія я бачыў у суседнім Беластоку ў Польшчы, у нас на вуліцах няма.
Сёньня мясцовае тэлебачаньне на канале “Лад” пакажа выступы кандыдатаў першай па ліку на Гарадзеншчыне акругі — Ваўкавыскай №50. Прадпрымальнік з Ваўкавыску Мікалай Аўтуховіч упершыню трапіў у тэлестудыю, калі запісваў свой выступ, і застаўся расчараваны.
(Аўтуховіч: ) “Прывялі, адразу напалохалі: у цябе адзін дубль, часу пяць хвілінаў, больш скажаш — будзьма рэзаць. Не, канечне, я незадаволены. Так ня робіцца. Я кандыдат, і ставіць мяне ў рамкі... Падышлі, як да ворага”.
Мікалай Аўтуховіч спадзяваўся на дапамогу, і часу ў яго было дзьве з паловай гадзіны, прычым два другія кандыдаты зь ягонай акругі не прыехалі. Яго канкурэнты — дырэктарка школы і сябра лібэральна-дэмакратычнай партыі.
Незалежны кандыдат Аляксандар Мілінкевіч балятуецца ў Шчучынскай 62-й акрузе. Ягоны канкурэнт — памочнік прэзыдэнта на Гарадзеншчыне Вінцэнты Казяк, які быў першым сакратаром шчучынскага райкаму, а пазьней — старшынём райвыканкаму. Аляксандар Мілінкевіч у сваёй агітацыі разьлічвае на асабісты кантакт з выбаршчыкамі.
(Мілінкевіч: ) “Людзі вельмі ўдзячныя, калі да іх прыходзіш пэрсанальна. Я спадзяюся толькі на працу ад дзьвярэй да дзьвярэй. Я прайшоў ужо больш за семдзесят вёсак і мястэчак, трэба яшчэ два разы столькі прайсьці. Гэта дзейнічае, людзі гатовыя адгукацца. І, дарэчы, да мясцовай улады стаўленьне вельмі дрэннае. Калі Лукашэнку яшчэ некаторыя падтрымліваюць, то на мясцовых начальнікаў глядзяць адмоўна”.
Сёньня мясцовае тэлебачаньне на канале “Лад” пакажа выступы кандыдатаў першай па ліку на Гарадзеншчыне акругі — Ваўкавыскай №50. Прадпрымальнік з Ваўкавыску Мікалай Аўтуховіч упершыню трапіў у тэлестудыю, калі запісваў свой выступ, і застаўся расчараваны.
(Аўтуховіч: ) “Прывялі, адразу напалохалі: у цябе адзін дубль, часу пяць хвілінаў, больш скажаш — будзьма рэзаць. Не, канечне, я незадаволены. Так ня робіцца. Я кандыдат, і ставіць мяне ў рамкі... Падышлі, як да ворага”.
Мікалай Аўтуховіч спадзяваўся на дапамогу, і часу ў яго было дзьве з паловай гадзіны, прычым два другія кандыдаты зь ягонай акругі не прыехалі. Яго канкурэнты — дырэктарка школы і сябра лібэральна-дэмакратычнай партыі.
Незалежны кандыдат Аляксандар Мілінкевіч балятуецца ў Шчучынскай 62-й акрузе. Ягоны канкурэнт — памочнік прэзыдэнта на Гарадзеншчыне Вінцэнты Казяк, які быў першым сакратаром шчучынскага райкаму, а пазьней — старшынём райвыканкаму. Аляксандар Мілінкевіч у сваёй агітацыі разьлічвае на асабісты кантакт з выбаршчыкамі.
(Мілінкевіч: ) “Людзі вельмі ўдзячныя, калі да іх прыходзіш пэрсанальна. Я спадзяюся толькі на працу ад дзьвярэй да дзьвярэй. Я прайшоў ужо больш за семдзесят вёсак і мястэчак, трэба яшчэ два разы столькі прайсьці. Гэта дзейнічае, людзі гатовыя адгукацца. І, дарэчы, да мясцовай улады стаўленьне вельмі дрэннае. Калі Лукашэнку яшчэ некаторыя падтрымліваюць, то на мясцовых начальнікаў глядзяць адмоўна”.