АНКАРА. Чацьверты дзень працягваюцца узброенныя сутыкненьні на паўдзённым усходзе Турэччыны паміж турэцкімі войскамі і курцкімі паўстанцамі. Загінулі трое турэцкіх вайскоўцаў і чацьвёра курцкіх сэпаратыстаў.
Учора арыштаваныя 19 чалавек, падазраваных у сувязях з нелегальнай групоўкай Конгра-Гель, якая уваходзіць у забароненую Рабочую партыю Курдзістану. Турэччына абвінавачвае партыю у распальваньні сэпарытысцкай вайны, у выніку якой загінулі 35 000 чалавек у 1984 – 1999 гг.
