У бэльгійскім горадзе Антвэрпэн адбыўся зьезд беларускай палітычнай эміграцыі. Была створаная беларуская Унія, якая будзе рэпрэзэнтаваць арганізацыі палітычнай эміграцыі Бэльгіі, Галяндыі, Аўстрыі, Нямеччыны, Польшчы, Чэхіі і Брытаніі. У рэзалюцыі з’езд прыняў рашэньне стварыць адзіны інфармацыйна-аналітычны цэнтар беларускай эміграцыі апошняй хвалі і адкрыць гуманітарны фонд у падтрымку разьвіцьця дэмакратыі ў Беларусі. У зьезьдзе бралі ўдзел каля 50 дэлегатаў.
