Падрыхтавала Юлія Шарова, Менск Агляд беларускіх газэт
Сёньняшнія беларускія газэты, як ня дзіўна, багатыя на матэрыялы пра розныя здарэньні. “Камсамольская праўда ў Беларусі” зьмяшчае артыкул “Пэдафіл з суседняга двара”. Дарослы мужчына, што жыве ў сталічным мікрараёне Сухарава, ледзьве ня збэсьціў васьмігадовага хлопчыка. Маці хлопчыка падала заяву ў міліцыю, аднак пэдафіла чамусьці адпусьцілі й складу злачынства ў ягоных дзеяньнях не знайшлі. Гэты чалавек жыве па суседзтве са сваёй патэнцыйнай ахвярай, і бацькі цяпер хаваюць ад яго хлопчыка недзе за горадам, бо лічаць, што жыцьцю й здароўю дзіця пагражае небясьпека.
“Віцебскі кур’ер” піша сёньня пра іншага злачынцу, які ўсё ж трапіў за краты: опэрупаўнаважанага раённага аддзелу міліцыі злавілі на спробе атрыманьня хабару. Сума аказалася даволі сьмешнай, усяго 420 даляраў, аднак няўдалага хабарніка прысудзілі на два гады зьняволеньня.
“Колькі каштуе падзеньне з паліцы?” – матэрыял пад такім загалоўкам друкуе сёньняшні “Віцебскі кур’ер”. Калі позьняй ноччу ад рэзкага тармажэньня цягніка пасажыр зьлятае з другой паліцы і набівае ў найлепшым выпадку толькі гузакі, ён часьцей за ўсё ціха лаецца… і зноў лезе на паліцу. Аднак мала хто ведае, што за некаторыя сур’ёзныя траўмы, атрыманыя ў міжгароднім цягніку ці аўтобусе, належыць ня толькі маральная кампэнсацыя, але й грашовая. Для гэтага жыцьцё пасажыра й страхуецца – страхоўка ўлучаецца ў кошт квітка. Падрабязнасьці – у сёньняшнім нумары “Віцебскага кур’ера”.
Сёньняшняя “Рэгіянальная газэта” расказвае пра трагічнае здарэньне пад Маладзечнам. На ўласным лецішчы, што непадалёк ад санаторыя “Плёсы”, ад укусу асы загінула 76-гадовая жыхарка гораду Марыя І. Вось як газэта пераказвае здарэньне: “Жыхарка Маладзечна прыехала на дачу, дзе выпіла кампоту. У напоі аказалася аса. Жамярына ўджаліла жанчыну ў горле. Праз 30-40 хвілін пацярпелая зьвярнулася да суседкі, сказала, што ёй блага. Муж суседкі на машыне адвёз жанчыну ў санаторый, дзе быў мэдпункт. Выйшаўшы з машыны, Марыя прайшла некалькі мэтраў і ўпала. Мэдсёстры санаторыя выклікалі “хуткую дапамогу“ й паспрабавалі дапамагчы самі. Лекары з гораду прыехалі праз 18 хвілінаў пасьля выкліку. Дажалю, на момант іхнага прыезду жанчына была ўжо мёртвая. Мэдыкам засталося толькі канстатаваць сьмерць. Мяркуюць, што ад шоку”.
“Віцебскі кур’ер” піша сёньня пра іншага злачынцу, які ўсё ж трапіў за краты: опэрупаўнаважанага раённага аддзелу міліцыі злавілі на спробе атрыманьня хабару. Сума аказалася даволі сьмешнай, усяго 420 даляраў, аднак няўдалага хабарніка прысудзілі на два гады зьняволеньня.
“Колькі каштуе падзеньне з паліцы?” – матэрыял пад такім загалоўкам друкуе сёньняшні “Віцебскі кур’ер”. Калі позьняй ноччу ад рэзкага тармажэньня цягніка пасажыр зьлятае з другой паліцы і набівае ў найлепшым выпадку толькі гузакі, ён часьцей за ўсё ціха лаецца… і зноў лезе на паліцу. Аднак мала хто ведае, што за некаторыя сур’ёзныя траўмы, атрыманыя ў міжгароднім цягніку ці аўтобусе, належыць ня толькі маральная кампэнсацыя, але й грашовая. Для гэтага жыцьцё пасажыра й страхуецца – страхоўка ўлучаецца ў кошт квітка. Падрабязнасьці – у сёньняшнім нумары “Віцебскага кур’ера”.
Сёньняшняя “Рэгіянальная газэта” расказвае пра трагічнае здарэньне пад Маладзечнам. На ўласным лецішчы, што непадалёк ад санаторыя “Плёсы”, ад укусу асы загінула 76-гадовая жыхарка гораду Марыя І. Вось як газэта пераказвае здарэньне: “Жыхарка Маладзечна прыехала на дачу, дзе выпіла кампоту. У напоі аказалася аса. Жамярына ўджаліла жанчыну ў горле. Праз 30-40 хвілін пацярпелая зьвярнулася да суседкі, сказала, што ёй блага. Муж суседкі на машыне адвёз жанчыну ў санаторый, дзе быў мэдпункт. Выйшаўшы з машыны, Марыя прайшла некалькі мэтраў і ўпала. Мэдсёстры санаторыя выклікалі “хуткую дапамогу“ й паспрабавалі дапамагчы самі. Лекары з гораду прыехалі праз 18 хвілінаў пасьля выкліку. Дажалю, на момант іхнага прыезду жанчына была ўжо мёртвая. Мэдыкам засталося толькі канстатаваць сьмерць. Мяркуюць, што ад шоку”.