АСУНСЬЁН. Паводле апошніх зьвестак, ня менш за 130 чалавек загінулі ў сталіцы Парагваю Асунсьёне пры пажары ў гандлёвым цэнтры. Выбух у цэнтры прывёў да пажару, якога ня вытрымалі апоры будынку – на людзей абрынуўся дах. Паведамляецца, што ў момант выбуху ў гандлёвым цэнтры знаходзілася каля 700 чалавек. Неўзабаве пасьля здарэньня начальнік паліцыі Асунсьёну заявіў, што колькасьць ахвяраў можа дасягнуць 300 чалавек.
