Алег Грузьдзіловіч, Менск 22 ліпеня калегія Менскага гарадзкога гаспадарчага суду пачала разгляд касацыйнай скаргі падаткавікоў на прысуд у справе Беларускага Хэльсынскага камітэту.
Нагадаем: два тыдні таму гарадзкі Гаспадарчы суд прызнаў беспадстаўнымі прэтэнзіі да БХК, паводле якіх праваабаронцы мусілі заплаціць амаль 80 тысяч даляраў падаткаў з грашовай дапамогі ў межах праграм ТАСІС. Аднак падаткавая інспэкцыя Маскоўскага раёну Менску з гэтым рашэньнем не пагадзілася.
Разгляд касацыйнай скаргі падаткавікоў зацягнецца, бо судзьдзі зноў запатрабавалі ад Ураду дакумэнты аб парадку выдаткаваньня грантаў ТАСІС.
“Нас насьцярожвае запыт дакумэнтаў, якія ўжо ёсьць у справе. Мы не выключаем, што замест прававога падыходу перавагу зноў набудзе палітычны падыход”, – пракамэнтаваў пачатак працэсу выканаўчы дырэктар Беларускага Хэльсынскага камітэту Алег Гулак.
Разгляд касацыйнай скаргі падаткавікоў зацягнецца, бо судзьдзі зноў запатрабавалі ад Ураду дакумэнты аб парадку выдаткаваньня грантаў ТАСІС.
“Нас насьцярожвае запыт дакумэнтаў, якія ўжо ёсьць у справе. Мы не выключаем, што замест прававога падыходу перавагу зноў набудзе палітычны падыход”, – пракамэнтаваў пачатак працэсу выканаўчы дырэктар Беларускага Хэльсынскага камітэту Алег Гулак.