Марыя Ўсьціновіч, Магілёў У горадзе Быхаве Магілёўскай вобласьці ўвечары 2 ліпеня міліцыянты затрымалі старшыню Магілёўскай абласной арганізацыі АГП Уладзіміра Шанцава і сакратара Магілёўскага абкаму ПКБ Анатоля Заўялава.
Прадстаўнікі палітычных партыяў, якія ўваходзяць у народную кааліцыю “5+”, прыехалі з Магілёва ў раённы цэнтар для сустрэчы з быхаўскім актывам. Аднак перад гэтым магілёўцы раздавалі кааліцыйныя ўлёткі мінакам на вуліцы, і ў гэты момант міліцыянты затрымалі двух актывістаў.
На Анатоля Заўялава, які меў амаль паўтары тысячы асобнікаў кааліцыйных улётак, складзены пратакол аб адміністрацыйным парушэньні. Яго абвінавацілі ў распаўсюдзе ўлётак, якія, паводле міліцыянтаў, не ўтрымлівалі поўных выходных дадзеных.
Уладзімір Шанцаў і ягоныя калегі моцна шкадуюць з той нагоды, што міліцыянты канфіскавалі ўлёткі. Да таго ж, у сувязі з 3-гадзінным затрыманьнем былі сарваныя сустрэчы з актывам у Быхаве і Слаўгарадзе.
На Анатоля Заўялава, які меў амаль паўтары тысячы асобнікаў кааліцыйных улётак, складзены пратакол аб адміністрацыйным парушэньні. Яго абвінавацілі ў распаўсюдзе ўлётак, якія, паводле міліцыянтаў, не ўтрымлівалі поўных выходных дадзеных.
Уладзімір Шанцаў і ягоныя калегі моцна шкадуюць з той нагоды, што міліцыянты канфіскавалі ўлёткі. Да таго ж, у сувязі з 3-гадзінным затрыманьнем былі сарваныя сустрэчы з актывам у Быхаве і Слаўгарадзе.