Алег Грузьдзіловіч, Менск На такі ж тэрмін працягнутае расьсьледаваньне справы былога міністра. Адвакаты Міхаіла Марыніча ўжо заявілі, што будуць абскарджваць гэтае рашэньне ў судзе.
Пра тое, што Міхаілу Марынічу працягнулі ўтрыманьне ў сьледчым ізалятары КГБ, адвакат Вера Страмкоўская даведалася па тэлефоне ад сьледчага Скабцова, які вядзе гэтую справу. З матывацыяй сваіх дзеяньняў сьледчы прапанаваў азнаёміць адваката падчас сустрэчы ў КГБ, якая прызначаная на другую палову 25 чэрвеня.
Тым часам прэсавы сакратар КГБ Аляксандар Базанаў паведаміў, што Марыніча і будуць трымаць пад вартай у “амэрыканцы” яшчэ прынамсі два месяцы. Дакладнай фармулёўкі ён не назваў, але мяркуе, што яна будзе стандартная: “у сувязі з інтарэсамі сьледзтва”.
Вера Страмкоўская заявіла Радыё Свабода, што яе падабаронны наўрад ці пагодзіцца з утрыманьнем пад вартай і будзе абскарджваць гэтае рашэньне ў судзе. Ці пойдзе Міхаіл Марыніч на галадоўку, як раней папярэджваў кіраўніцтва КГБ, Вера Страмкоўская ня ведае. “Асабіста я супраць такой галадоўкі й паспрабую яго ў гэтым пераканаць”, — заявіла Вера Страмкоўская Радыё Свабода напярэдадні сустрэчы зь Міхаілам Марынічам. Пра вынікі іх размовы пакуль невядома.
Супраць галадоўкі й сваякі Міхаіла Марыніча. Старэйшы сын Павал лічыць, што ў ізалятары праводзіць такую акцыю небясьпечна.
(Павал Марыніч: ) “Яны ж маюць права прымусова карміць там, у ізалятары. Уліюць што-небудзь і спаляць увесь страўнік. Ці ўколюць нібыта якую глюкозу, і будзе, як з Карпенкам”, — казаў Павал Марыніч.
Яго, дарэчы, сёньня не пусьцілі на сутрэчу з бацькам, спаслаўшыся на тое, што ў ізалятары КГБ нібыта занятыя ўсе сьледчыя кабінэты.
Міхаіл Марыніч ужо два месяцы знаходзіцца пад вартай. Праваабаронцы і апазыцыйныя палітыкі ў Беларусі заяўляюць, што ягоная справа мае палітычныя прычыны. Яны нагадваюць , што былы міністар — не адзіны палітычны вязень у Беларусі. Больш за месяц у гарадзенскай турме паводле абвінавачаньня ў абразе прэзыдэнта Беларусі знаходзіцца лідэр гарадзенскіх прадпрымальнікаў Валер Леванеўскі. За паклёп на прэзыдэнта асуджаная на два гады зьняволеньня мянчанка Аксана Новікава. А даўжэй за ўсіх сядзіць за кратамі былы рэктар Гомельскага мэдычнага ўнівэрсытэту Юры Бандажэўскі, які быў арыштаваны больш за тры гады таму.
Тым часам прэсавы сакратар КГБ Аляксандар Базанаў паведаміў, што Марыніча і будуць трымаць пад вартай у “амэрыканцы” яшчэ прынамсі два месяцы. Дакладнай фармулёўкі ён не назваў, але мяркуе, што яна будзе стандартная: “у сувязі з інтарэсамі сьледзтва”.
Вера Страмкоўская заявіла Радыё Свабода, што яе падабаронны наўрад ці пагодзіцца з утрыманьнем пад вартай і будзе абскарджваць гэтае рашэньне ў судзе. Ці пойдзе Міхаіл Марыніч на галадоўку, як раней папярэджваў кіраўніцтва КГБ, Вера Страмкоўская ня ведае. “Асабіста я супраць такой галадоўкі й паспрабую яго ў гэтым пераканаць”, — заявіла Вера Страмкоўская Радыё Свабода напярэдадні сустрэчы зь Міхаілам Марынічам. Пра вынікі іх размовы пакуль невядома.
Супраць галадоўкі й сваякі Міхаіла Марыніча. Старэйшы сын Павал лічыць, што ў ізалятары праводзіць такую акцыю небясьпечна.
(Павал Марыніч: ) “Яны ж маюць права прымусова карміць там, у ізалятары. Уліюць што-небудзь і спаляць увесь страўнік. Ці ўколюць нібыта якую глюкозу, і будзе, як з Карпенкам”, — казаў Павал Марыніч.
Яго, дарэчы, сёньня не пусьцілі на сутрэчу з бацькам, спаслаўшыся на тое, што ў ізалятары КГБ нібыта занятыя ўсе сьледчыя кабінэты.
Міхаіл Марыніч ужо два месяцы знаходзіцца пад вартай. Праваабаронцы і апазыцыйныя палітыкі ў Беларусі заяўляюць, што ягоная справа мае палітычныя прычыны. Яны нагадваюць , што былы міністар — не адзіны палітычны вязень у Беларусі. Больш за месяц у гарадзенскай турме паводле абвінавачаньня ў абразе прэзыдэнта Беларусі знаходзіцца лідэр гарадзенскіх прадпрымальнікаў Валер Леванеўскі. За паклёп на прэзыдэнта асуджаная на два гады зьняволеньня мянчанка Аксана Новікава. А даўжэй за ўсіх сядзіць за кратамі былы рэктар Гомельскага мэдычнага ўнівэрсытэту Юры Бандажэўскі, які быў арыштаваны больш за тры гады таму.