ЛЁНДАН. Старшыня Вайсковага трыбуналу Салем Чалабі заявіў, што былому дыктатару Садаму Хусэйну пагражае пакараньне сьмерцю, калі будзе даказана, што ён вінаваты ў вайсковых злачынствах. Пакуль у краіне дзейнічае забарона на пакараньне сьмерцю, якую ўстанавіў кіраўнік кааліцыйнай адміністрацыі Пол Брэмэр. Аднак Чалабі ў інтэрвію тэлекампаніі Бі-Бі-Сі сказаў, што пасьля перадачы ўлады ірацкаму ўраду 30 чэрвеня ён можа адмяніць гэтую забарону. Абвінавачаньні Садаму Хусэйну пакуль не выстаўленыя, і дата пачатку суду над ім пакуль не вызначаная. .
