Радыё Свабода Праваабарончая арганізацыя “Міжнародная амністыя” аб’явіла былога кандыдата на прэзыдэнта лідэра Беларускай сацыял-дэмакратычнай партыі Грамада Аляксандра Казуліна вязьнем сумленьня. Пра гэта паведамляецца на сайце праваабарончай арганізацыі.
“Міжнародная амністыя” таксама накіравала Аляксандру Лукашэнку ліст з заклікам “неадкладна і бесьпярэчна” вызваліць Аляксандра Казуліна. У лісьце падкрэсьліваецца, што палітыка затрымалі незаконна, а судовы працэс над ім быў абуральна несправядлівым.