Радыё Свабода, Віцебск Лідэр аб’яднаных дэмсілаў Аляксандар Мілінкевіч зьбірае подпісы за дэмакратычных кандыдатаў у Віцебскай вобласьці. Ён заявіў, што гатовы актыўна падтрымаць тых, на чыю падтрымку ён абапіраўся падчас мінулых прэзыдэнцкіх выбараў.
Сёньня Аляксандар Мілінкевіч возьме ўдзел у зборы подпісаў за вылучэньне былога кіраўніка віцебскага выбарчага штабу Хрыстафора Жаляпава, які мае намер балятавацца на кандыдата ў дэпутаты Віцебскага аблсавету па Навалукомальскай выбарчай акрузе №28. А таксама дапаможа зьбіраць подпісы за дэмакратычных актывістаў з Полацка ды Наваполацка.