Радыё Свабода, Віцебск Аварыя адбылася на шашы "Віцебск—Ворша". У выніку лабавога сутыкненьня двух аўтамашын пацярпелі 7 чалавек, з іх шасьцёра загінулі на месцы.
Паводле папярэдняй вэрсіі ДАІ, кіроўца легкавога "Мэрсэдэсу" не справіўся з кіраваньнем на сьлізкай дарозе. Не выключаецца, што мела месца і перавышэньне дазволенай хуткасьці. Легкавік вынесла на паласу сустрэчнага руху, дзе ён сутыкнуўся з грузапасажырскім мікрааўтобусам "Фольксваген-Транспарцёр".
Кіроўца мікрааўтобуса ў цяжкім стане быў дастаўлены ў шпіталь. Кіроўца і чацьвёра пасажыраў "Мэрсэдэсу", а таксама адзін пасажыр мікрааўтобуса загінулі на месцы.
Як адзначаюць у абласной службы ДАІ, паводле колькасьці ахвяраў гэта дарожнае здарэньне можна лічыць самым сур''ёзным на тэрыторыі Віцебшчыны за апошнія некалькі год.
Прычыны аварыі будуць высьветляць сьледчыя органы, узбуджаная крымінальная справа.
Кіроўца мікрааўтобуса ў цяжкім стане быў дастаўлены ў шпіталь. Кіроўца і чацьвёра пасажыраў "Мэрсэдэсу", а таксама адзін пасажыр мікрааўтобуса загінулі на месцы.
Як адзначаюць у абласной службы ДАІ, паводле колькасьці ахвяраў гэта дарожнае здарэньне можна лічыць самым сур''ёзным на тэрыторыі Віцебшчыны за апошнія некалькі год.
Прычыны аварыі будуць высьветляць сьледчыя органы, узбуджаная крымінальная справа.