Радыё Свабода, Гародня Невялікі аднаматорны самалёт ў сераду ўвечары ўрэзаўся ў 50-павярховы будынак прыблізна на ўзроўні 20-га паверху. Гэты жыльлёвы будынак знаходзіцца на 72-ой вуліцы ў Мангэтэне. У выніку сутыкненьня ўзьнік пажар, які ахапіў некалькі паверхаў будынку і быў пагашаны праз некалькі гадзінаў.
ФБР адразу заявіла, што няма ніякіх паказьнікаў, што інцыдэнт можа быць тэрактам. Як высьвятлілася пазьней, аднаматорны самалёт Cirrus SR-20 прыналежаў 34-гадоваму бэйсбалісту каманды New York Yankees Коры Лідлу. Верагодна, ён і быў за стырном, на месцы падзеньня быў знойдзены ягоны пашпарт.
Магчыма, пілёту не хапіла паліва. Паводле некаторых зьвестак, ён пасьпеў падаць сыгнал бедзтва незадоўга да сутыкненьня.
Магчыма, пілёту не хапіла паліва. Паводле некаторых зьвестак, ён пасьпеў падаць сыгнал бедзтва незадоўга да сутыкненьня.