Уладзімер Глод, Менск Сёньня ўвечары ў Жэнэве на другой сэсіі Рады ААН ў правах чалавека спэцыяльны дакладчык па Беларусі гэтай міжнароднай арганізацыі Адрыян Сэвэрын выйшаў на трыбуну, каб выступіць з дакладам пра сытуацыю ў галіне правоў чалавека ў Беларусі.
Аднак, паколькі выступоўцы перад ім перабралі свой ліміт часу, паступіла прапанова "не камечыць важнае пытаньне, а правесьці абмеркаваньне яго ў сераду". У зьвязку з тым, што спадар Сэвэрын прыляцеў у Жэнэву толькі на адзін дзень, вырашана вярнуцца да ягонага дакладу 27 верасьня.