Радыё Свабода Сёньня ў другой палове дня на плошчы Перамогі міліцыя затрымала шасьцярых маладых людзей.
Паводле паведамленьня прэсавай службы Аб’яднанай Грамадзянскай партыі яны стаялі каля Вечнага агню з плякатам “Далоў фашыстоўскі рэжым” і двума чырвона-зялёнымі сьцягамі. Пікет доўжыўся 5-7 хвілінаў. Вядомыя імёны дваіх затрыманых – Руслан Мацьвееў і Тацяна Камкар.