Любоў Лунёва, Менск Міколу Астрэйку судзьдзя пакараў пазбаўленьнем волі на 2 гады, Цімафея Дранчука – на год. Яны будуць адбываць пакараньне ў калёніі агульнага рэжыму. Аляксандра Шалайку і Эніру Браніцкую судзьдзя Леанід Ясіновіч пакараў арыштам на 6 месяцаў. Улічваючы, што яны ўжо адседзелі амаль увесь тэрмін, 21 жніўня яны выйдуць на волю.
Маці Міколы Астрэйкі зрабілася кепска, і бацька Міколы павёз яе дахаты. Магчыма, жанчыне спатрэбіцца мэдычная дапамога.