Юры Сьвірко, Кіеў Вярхоўная Рада Ўкраіны ўжо атрымала адпаведнае прадстаўленьне на спадара Януковіча ад прэзыдэнта ды мяркуе зацьвердзіць яго кіраўніком ураду а 16-й гадзіне. Перад гэтым у сакратарыяце прэзыдэнта адбудзецца падпісаньне Ўнівэрсалу нацыянальнага адзінства, якога дабіваўся Віктар Юшчанка.
Тым часам у парлямэнце было абвешчана, што прапрэзыдэнцкі блёк "Наша Ўкраіна" і Партыя рэгіёнаў на чале зь Віктарам Януковічам падпісалі мэмарандум пра стварэньне кааліцыі ў новым фармаце, да якога далучацца іншыя фракцыі. Аднак некаторыя прадстаўнікі "Нашай Украіны" заяўляюць, што адзінай думкі на гэты конт у фракцыі няма.
Блёк Юліі Цімашэнкі раней заяўляў, што ніколі не пагодзіцца з прэм''ерам Януковічам і ў такім выпадку пяройдзе ў апазыцыю. Прадстаўнікі блёку заявілі, што ня будуць прысутнічаць у Радзе падчас галасаваньня за Януковіча. Пакуль спадарыня Цімашэнка не камэнтавала нечаканае разьвіцьцё падзеяў на Ўкраіне
Блёк Юліі Цімашэнкі раней заяўляў, што ніколі не пагодзіцца з прэм''ерам Януковічам і ў такім выпадку пяройдзе ў апазыцыю. Прадстаўнікі блёку заявілі, што ня будуць прысутнічаць у Радзе падчас галасаваньня за Януковіча. Пакуль спадарыня Цімашэнка не камэнтавала нечаканае разьвіцьцё падзеяў на Ўкраіне