Алег Грузьдзіловіч, Менск Такое рашэньне прыняў судзьдзя Аляксей Бычко з суду Цэнтральнага раёну Менску. Анатоля Лябедзьку прызналі вінаватым ў тым, што 16 ліпеня ён “нецэнзурна лаяўся на міліцыянтаў і не выконваў іхных законных патрабаваньняў”.
Нагадаем, палітык быў затрыманы напярэдадні пікету побач з амбасадай Расеі ў Беларусі. Вінаватым сябе ў дробным хуліганстве Анатоль Лябедзька не прызнаў, хаця і не адмаўляў, што зьбіраўся ўдзельнічаць ў пікеце салідарнасьці з палітычнымі вязьнямі Беларусі.