Радыё Свабода Прэзыдэнт Літвы Валдас Адамкус зацьвердзіў склад новага ўраду краіны на чале з Гедымінасам Кіркіласам. Пасаду міністра замежных справаў у кабінэце заняў цяперашні амбасадар Літвы ў Беларусі Пятрас Вайцякунас.
Новы ўрад пачне афіцыйна працаваць пасьля таго, як ягоную праграму дзеяньняў зацьвердзіць парлямэнт краіны. Сёньня парлямэнтары разгледзелі пададзены ім дакумэнт у першым чытаньні. Другое чытаньне, пасьля якога праграма альбо зацьвярджаецца, альбо адкідаецца, мае быць ва аўторак, 18 ліпеня.