Радыё Свабода, Магілёў У Магілёве мясцовыя лідэры з шасьці дэмакратычных партыяў і шасьці грамадзкіх аб’яднаньняў падпісалі кааліцыйнае пагадненьне пра стварэньне гарадзкой рэгіянальнай ініцыятывы грамадзка-палітычных сілаў. Старшынём выканкаму ініцыятывы абралі актывіста незарэгістраванай Партыі свабоды й прагрэсу Аляксандра Сілкова. Новая грамадзкая ініцыятыва скіраваная на кансалідацыю мясцовых дэмакратаў на выбарах у мясцовыя саветы.
Актывісты нагадвалі, што папярэднія рэгіянальныя ініцыятывы, якія ствараліся ў 1997, 1999, 2000 гадах, не дасягнулі сваіх мэтаў, — і важна, каб новая ініцыятыва не паўтарыла іхнага лёсу. Таму ўсе дванаццаць падпісантаў прагаласавалі за тое, каб ініцыятыва была празрыстая, адкрытая і ўсе рашэньні прымаліся супольна.
Цяпер падпісанты пагадненьня рыхтуюцца да выбарчай кампаніі, вывучаюць праблемы тых акругаў, дзе могуць вылучацца іхныя кандыдаты.
Цяпер падпісанты пагадненьня рыхтуюцца да выбарчай кампаніі, вывучаюць праблемы тых акругаў, дзе могуць вылучацца іхныя кандыдаты.