Радыё Свабода Кіраўнік беларускага ўраду Сяргей Сідорскі сёньня, адказваючы на пытаньні дэпутатаў Палаты прадстаўнікоў, пад час прадстаўленьня Праграмы дзейнасьці ўраду на 2006-2010 гады паведаміў, што “перамовы з “Газпромам” ідуць у добрай канструктыўнай форме, і мы гэтым задаволеныя”.
Паводле прэм’ера, учора на перамовах у Маскве “Газпром” пацьвердзіў, што адносіны зь Беларусьсю будуць будавацца ў рамках дачыненьняў суб’ектаў гаспадараньня.
Кіраўнік ураду таксама сказаў, што на перамовах шукаюць эканамічныя падыходы. Прынамсі, выпрацоўваецца тэхналягічны ланцуг удзелу Беларусі ў здабычы газу на тэрыторыі Расеі (12-15 мільярдаў кубічных мэтраў), у яго транспарціроўцы, у трыманьні ў сховішчах, да рэалізацыі паліва, у тым ліку і на экспарт. І гэтая пазыцыя, паводле Сяргея Сідорскага, прынятая “Газпромам”.
Прэм’ер паведаміў, што беларускі бок умацаваў тую частку сваёй рабочай групы, якая будзе займацца фінансавымі падлікамі.
Кіраўнік ураду таксама сказаў, што на перамовах шукаюць эканамічныя падыходы. Прынамсі, выпрацоўваецца тэхналягічны ланцуг удзелу Беларусі ў здабычы газу на тэрыторыі Расеі (12-15 мільярдаў кубічных мэтраў), у яго транспарціроўцы, у трыманьні ў сховішчах, да рэалізацыі паліва, у тым ліку і на экспарт. І гэтая пазыцыя, паводле Сяргея Сідорскага, прынятая “Газпромам”.
Прэм’ер паведаміў, што беларускі бок умацаваў тую частку сваёй рабочай групы, якая будзе займацца фінансавымі падлікамі.