Радыё Свабода, Магілёў Бел-чырвона-белымі паветранымі шарыкамі, змацаванымі значком “За свабоду”, флэш-мобэры ўбралі любімае месца адпачынку моладзі — Савецкую плошчу Магілёва.
Цягам пятнаццаці хвілінаў маладзёны раздавалі мінакам шарыкі й тут жа зьнікалі. Мінакі ж, адшчапіўшы значкі, упрыгожвалі імі сваю вопратку. Паветраныя шары атрымалі й патрульныя міліцыянты. Засьпетыя зьнянацку, разгубленыя, яны хуценька аддалі шарыкі дзецям, а значкі забралі з сабой.