Радыё Свабода, Магілёў У афіцыйнай жалобнай імпрэзе на 20-я ўгодкі Чарнобыля ўдзельнічалі кіраўнікі раённых адміністрацыяў Магілёва, а таксама прадстаўнікі пацярпелых раёнаў вобласьці. Выступоўцы шмат казалі пра працу дзяржавы дзеля ліквідацыі наступстваў чарнобыльскай катастрофы.
Мітынг адбыўся ля помніка ахвярам Чарнобылю. Помны знак месьціцца ля колішняга будынку Інстытуту экалёгіі й радыяцыйнай мэдыцыны. Тры гады таму гэтую ўстанову зьліквідавалі. Цяпер у будынку лекуюцца пацыенты псыхіятрычнага шпіталю.
Прадстаўнікі апазыцыйных партыяў і грамадзкіх арганізацыяў Магілёва праігнаравалі мітынг.
Паводле кіраўніка рэгіянальнай арганізацыі Партыі БНФ Рыгора Костусёва, грамадзкія актывісты не жадаюць паўтарэньня леташняй сытуацыі, калі ім не дазволілі нават ускласьці вянок да помніка.
Прадстаўнікі апазыцыйных партыяў і грамадзкіх арганізацыяў Магілёва праігнаравалі мітынг.
Паводле кіраўніка рэгіянальнай арганізацыі Партыі БНФ Рыгора Костусёва, грамадзкія актывісты не жадаюць паўтарэньня леташняй сытуацыі, калі ім не дазволілі нават ускласьці вянок да помніка.