Радыё Свабода, Бабруйск Позна ўвечары ў аўторак у Бабруйску зьатрыманыя грамадзкія актывісты Мікіта Быцэнка, Юры Сьветлакоў і Аляксей Радомскі. Ноч яны правялі ў ізалятары часовага ўтрыманьня, а цяпер чакаюць суду. Прычынай затрыманьня, як вынікае з пратаколу, сталася нібыта “нецэнзурная лаянка і непадпарадкаваньне міліцыянтам”.
Паводле праваабаронцы Ігара Ходзькі, які здалёк назіраў за затрыманьнем, міліцэйскі патруль падышоў да хлопцаў на тралейбусным прыпынку. Міліцыянты спраўдзілі дакумэнты, агледзелі асабістыя рэчы, затым прымусілі хлопцаў сесьці ў машыну і некуды павезьлі. Пазьней стала вядома, што затрыманыя знаходзяцца ў Ленінскім райаддзеле міліцыі, паведаміў Ігар Ходзька.
Уначы высьветліць лёс затрыманых спрабаваў у Ленінскім РАУС дэпутат Бабруйскага гарсавету Алесь Чыгір. Дзяжурны міліцыянт ня здолеў патлумачыць, чаму затрымалі хлопцаў і дзе яны знаходзяцца. У кнізе затрыманьняў было пазначана, што прычынай затрыманьня стала дробнае хуліганства, паведаміў Алесь Чыгір.
Суд над затрыманымі, які раней быў прызначаны на 10 гадзінаў раніцы, адкладзены на больш позьні час.
Уначы высьветліць лёс затрыманых спрабаваў у Ленінскім РАУС дэпутат Бабруйскага гарсавету Алесь Чыгір. Дзяжурны міліцыянт ня здолеў патлумачыць, чаму затрымалі хлопцаў і дзе яны знаходзяцца. У кнізе затрыманьняў было пазначана, што прычынай затрыманьня стала дробнае хуліганства, паведаміў Алесь Чыгір.
Суд над затрыманымі, які раней быў прызначаны на 10 гадзінаў раніцы, адкладзены на больш позьні час.