Ігар Карней, Менск Сёньня ў Палацы рэвалюцыі кубінскай сталіцы заплянаваная сустрэча старшыні Дзяржаўнага савету і Савету міністраў Кубы Фідэля Кастра з прэм’ер-міністрам Беларусі Сяргеям Сідорскім. Афіцыйны Менск называе Кубу сваім галоўным гандлёвым партнэрам ў Лацінскай Амэрыцы. Між тым, статыстыка сьведчыць, што ў 2005 годзе таваразварот паміж краінамі зьменшыўся ў параўнаньні з годам папярэднім на 45%.
Дык якія стасункі наладжваюць беларускі і кубінскі рэжымы – эканамічныя ці палітычныя?
Кіраўнік аналітычнага цэнтру “Стратэгія” Леанід Заіка зьвяртае ўвагу, што Куба зьяўляецца краінай-спажыўцом – унутраная прамысловасьць базуецца, перадусім, на вытворчасьці рому і цыгараў, а таксама на экспарце цукру-сырца. Таму, на думку спадара Заікі, павелічэньне беларускага экспарту, уключна са зброяй, на выспу Свабоды цалкам рэальнае.
Разам з тым, Куба, як і Беларусь, мае вельмі абмежаваныя зьнешнепалітычныя кантакты. Ва ўмовах міжнароднай ізаляцыі і гандлёвага эмбарга адносна частыя госьці на высьпе Свабоды хіба толькі расейскія ды беларускія дэлегацыі.
Паводле афіцыйнай статыстыкі, асноўным артыкулам беларускага экспарту на Кубу ёсьць пастаўкі грузавых аўтамабіляў МАЗ, БелАЗ, МоАЗ – 72% у агульным аб’ёме на суму 9,5 мільёну даляраў. Астатнія паказьнікі больш сьціплыя: трактары – 6%, рухавікі – 3,9%, шыны – 1,6% і г.д.
У той жа час імпарт з Кубы зьнізіўся больш чым на 76% – перадусім, з-за таго, што Куба ў чатыры разы зьнізіла пастаўкі ў Беларусь цукру-сырца.
Асноўным даходнай часткай кубінскага бюджэту застаецца турызм. Аднак аддаленасьць і дарагавізна авіяпералёту не дае падставаў беларускім турфірмам казаць пра Кубу як пра стратэгічны кірунак сваёй дзейнасьці.
(ПАДРАБЯЗНАСЬЦІ)
Кіраўнік аналітычнага цэнтру “Стратэгія” Леанід Заіка зьвяртае ўвагу, што Куба зьяўляецца краінай-спажыўцом – унутраная прамысловасьць базуецца, перадусім, на вытворчасьці рому і цыгараў, а таксама на экспарце цукру-сырца. Таму, на думку спадара Заікі, павелічэньне беларускага экспарту, уключна са зброяй, на выспу Свабоды цалкам рэальнае.
Разам з тым, Куба, як і Беларусь, мае вельмі абмежаваныя зьнешнепалітычныя кантакты. Ва ўмовах міжнароднай ізаляцыі і гандлёвага эмбарга адносна частыя госьці на высьпе Свабоды хіба толькі расейскія ды беларускія дэлегацыі.
Паводле афіцыйнай статыстыкі, асноўным артыкулам беларускага экспарту на Кубу ёсьць пастаўкі грузавых аўтамабіляў МАЗ, БелАЗ, МоАЗ – 72% у агульным аб’ёме на суму 9,5 мільёну даляраў. Астатнія паказьнікі больш сьціплыя: трактары – 6%, рухавікі – 3,9%, шыны – 1,6% і г.д.
У той жа час імпарт з Кубы зьнізіўся больш чым на 76% – перадусім, з-за таго, што Куба ў чатыры разы зьнізіла пастаўкі ў Беларусь цукру-сырца.
Асноўным даходнай часткай кубінскага бюджэту застаецца турызм. Аднак аддаленасьць і дарагавізна авіяпералёту не дае падставаў беларускім турфірмам казаць пра Кубу як пра стратэгічны кірунак сваёй дзейнасьці.
(ПАДРАБЯЗНАСЬЦІ)