Радыё Свабода Пасьля чарговай інаўгурацыі Аляксандра Лукашэнкі ў суботу, урад Беларусі склаў свае паўнамоцтвы. На даручэньне кіраўніка краіны стары склад ураду працягвае працаваць да фармаваньня новага ўраду. Якім жа будзе гэты новы ўрад?
Нагадаем, у 2001 годзе прэм’ерам быў прызначаны Генадзь Навіцкі. Гэта было нечаканасьцю для экспэртаў. Спадар Навіцкі пратрымаўся два гады і быў адпраўлены ў адстаўку. Тады ж вымовы атрымалі многія чыноўнікі, у тым ліку старшыня Камітэта дзяржкантролю Анатоль Тозік і старшыня менскага гарвыканкаму Міхаіл Паўлаў за прыпіскі і затрымкі заробкаў. І ў 2003 годзе прэм’ерам стаў Сяргей Сідорскі.
Паводле кулюарных вэрсіяў, на прэм’ерскі партфэль могуць прэтэндаваць акрамя спадара Сідорскага, таксама Міхаіл Мясьніковіч і Пётар Пракаповіч. Спадар Пракаповіч атрымаў “Героя Беларусі”. Лукашэнка назваў яго ўзорам чыноўніка. На Ўсебеларускім сходзе, ён аднак, адхіліў магчымасьць росту Пятра Пракаповіча.
(Лукашэнка: ) “Паспрабуй сёньня скажы банкірам, што Пракаповіч гэта…Вось кудысьці яго заберам, перасунем…Гэта заўтра ўсе будуць стаяць на плошчы”.
Дэпутат Васіль Хрол ня ўзяўся рабіць канкрэтных прагнозаў:
(Хрол: ) “У нас вельмі спэцыфічны кіраўнік краіны і прадказаць яго ўчынкі, асабліва ў кадравых прызначэньнях вельмі цяжка”.
Паводле спадара Хрола, цяперашні прэм’ер можа застацца, хаця ёсьць віцэ-прэм’еры і губэрнатары, якія дарасьлі да гэтай пасады. Але памяняецца ўрад нязначна.
(Хрол: ) “У нас нармалёвы ўрад і эканамічнае разьвіцьцё Беларусі, рост валавага прадукта паказвае, што ў нас урад добры. Яны не займаюцца палітыканствам, яны займаюцца справай”.
Дэпутат Сяргей Гайдукевіч адхіляе прагнозы адносна Мясьніковіча і Пракаповіча. (Гайдукевіч: ) “ Я бы ці то пакінуў Сідорскага, бо за пошнія два гады ў яго цудоўныя паказьнікі ў галіне эканомікі. Але ёсьць і другі бок мэдалю. Тое, што трэба рухацца наперад і патрэбны сьвежыя ідэі. Але тут, акрамя вашага цяперашняга суразмоўцы, я прозьвішча ня бачу”.
Прагназуюць: страціць сваю пасаду можа Анатоль Тозік, міністар фінансаў Мiкалай Корбут i мiнiстар ўнутраных спраў Уладзiмер Навумаў. Афіцыйнага пацьверджаньня гэтаму няма. Былы кіраўнік праўнай управы адміністрацыі прэзыдэнта Аляксандар Пласкавіцкі:
(Пласкавіцкі: ) “Якасна склад будзе той самы, што і цяпер. Большасьць захаваецца. Будуць нейкія зьмены – трэба ж нешта зрабіць такое, каб уразіць гледачоў. Стабільнасьць будзе ў Беларусі ў дрэнным сэнсе гэтага слова. Гэта ня мае ніякага значэньня ў дадзеным выпадку: Тозік там будзе ці Паравозік…”
Паводле былога старшыні Савету Рэспублікі Аляксандра Вайтовіча, хто б ні быў прэм’ерам нічога не памяняецца.
(Вайтовіч: ) “Усё аркэсьлена, зразумела, наша сістэма, як яна працуе, палітыка. Працуе сістэма, а ўжо выканаўцы, якія ў гэту сістэму ўключаны маюць другаснае значэньне. Ды гэта ня важна хто будзе, бо ўсё застанецца па ранейшаму”.
Паводле кулюарных вэрсіяў, на прэм’ерскі партфэль могуць прэтэндаваць акрамя спадара Сідорскага, таксама Міхаіл Мясьніковіч і Пётар Пракаповіч. Спадар Пракаповіч атрымаў “Героя Беларусі”. Лукашэнка назваў яго ўзорам чыноўніка. На Ўсебеларускім сходзе, ён аднак, адхіліў магчымасьць росту Пятра Пракаповіча.
(Лукашэнка: ) “Паспрабуй сёньня скажы банкірам, што Пракаповіч гэта…Вось кудысьці яго заберам, перасунем…Гэта заўтра ўсе будуць стаяць на плошчы”.
Дэпутат Васіль Хрол ня ўзяўся рабіць канкрэтных прагнозаў:
(Хрол: ) “У нас вельмі спэцыфічны кіраўнік краіны і прадказаць яго ўчынкі, асабліва ў кадравых прызначэньнях вельмі цяжка”.
Паводле спадара Хрола, цяперашні прэм’ер можа застацца, хаця ёсьць віцэ-прэм’еры і губэрнатары, якія дарасьлі да гэтай пасады. Але памяняецца ўрад нязначна.
(Хрол: ) “У нас нармалёвы ўрад і эканамічнае разьвіцьцё Беларусі, рост валавага прадукта паказвае, што ў нас урад добры. Яны не займаюцца палітыканствам, яны займаюцца справай”.
Дэпутат Сяргей Гайдукевіч адхіляе прагнозы адносна Мясьніковіча і Пракаповіча. (Гайдукевіч: ) “ Я бы ці то пакінуў Сідорскага, бо за пошнія два гады ў яго цудоўныя паказьнікі ў галіне эканомікі. Але ёсьць і другі бок мэдалю. Тое, што трэба рухацца наперад і патрэбны сьвежыя ідэі. Але тут, акрамя вашага цяперашняга суразмоўцы, я прозьвішча ня бачу”.
Прагназуюць: страціць сваю пасаду можа Анатоль Тозік, міністар фінансаў Мiкалай Корбут i мiнiстар ўнутраных спраў Уладзiмер Навумаў. Афіцыйнага пацьверджаньня гэтаму няма. Былы кіраўнік праўнай управы адміністрацыі прэзыдэнта Аляксандар Пласкавіцкі:
(Пласкавіцкі: ) “Якасна склад будзе той самы, што і цяпер. Большасьць захаваецца. Будуць нейкія зьмены – трэба ж нешта зрабіць такое, каб уразіць гледачоў. Стабільнасьць будзе ў Беларусі ў дрэнным сэнсе гэтага слова. Гэта ня мае ніякага значэньня ў дадзеным выпадку: Тозік там будзе ці Паравозік…”
Паводле былога старшыні Савету Рэспублікі Аляксандра Вайтовіча, хто б ні быў прэм’ерам нічога не памяняецца.
(Вайтовіч: ) “Усё аркэсьлена, зразумела, наша сістэма, як яна працуе, палітыка. Працуе сістэма, а ўжо выканаўцы, якія ў гэту сістэму ўключаны маюць другаснае значэньне. Ды гэта ня важна хто будзе, бо ўсё застанецца па ранейшаму”.