Радыё Свабода, Менск Дэпутат Дзярждумы РФ Генадзь Селязьнёў у экслюзіўным інтэрвію паведаміў, што на выбарчых участках ён не заўважыў наглядальнікаў ад апазыцыі. “Я наведаў шмат участкаў, і не прыкмеціў нідзе актывістаў апазыцыі”, падкрэсьліў ён.
Хаду галасаваньня расейскі парлямэнтар назваў “сьвяточнай” і патлумачыў, чаму: “Грае музыка й сьмяюцца дзеці”. Меркаваньне пра магчымыя акцыі пратэсту спадар Селязьнёў выказаў рытарычным пытаньнем: “Што яны (апазыцыя) скажуць людзям, калі іх абяруць?” Пры гэтым дэпутат Дзярждумы РФ зазначыў, што ня бачыць падставаў для акцый пратэсту.