Радыё Свабода Адвакату Аляксандру Бярылаву, які прыехаў 28 лютага ў Івацэвіцкую калёнію да сваійго падабароннага Валера Леванеўскага, адмовілі ў сустрэчы. Прычыны не патлумачылі.
Адвакат і сваякі Леванеўскага не выключаюць, што вязень зноў патрапіў у карцар. Нагадаем, у студзені Валер Леванеўскі ўжо адбыў два тыдні ў карцары за парушэньне рэжыму. Сам лідэр гарадзенскіх прадпрымальнікаў тады заявіў, што яго пакаралі за змаганьне за свае правы і правы іншых вязьняў.